Vientiane Times Lao
ໄຫຫີນສ້າງໃນສະໄໝຂຸນເຈືອງ

ໄຫຫີນສ້າງໃນສະໄໝຂຸນເຈືອງ

ໄຫຫີນ ຢູ່ແຂວງຊຽງຂວາງໄດ້ຜະລິດ ຫຼື ສ້າງໂດຍຂຸນ​ເຈືອງ ຜູ້​ເປັນ​ກະ​ສັດ​ປົກ​ຄອງ​ເມືອງ​ປະ​ກັນ (ເມືອງ​ພວນ) ໂດຍຂຸນເຈືອງ ໄດ້​ສັ່ງ​ໃຫ້​ເສ​ນາ​ອາ​ມາດ​ສ້າງ​ໄຫ​ຫີນ​ຢູ່​ສະ​ຖານ​ທີ່​ພູເກັ່ງ ຍ້ອນ​ວ່າ​ເປັນ​ພູ​ທີ່​ມີ​ຫີນ​ຫຼາຍ ເພື່ອ​ໃສ່​ເຫຼົ້າ ແລະ ສະ​ເຫຼີມ​ສະ​ຫຼອງ​ໄຊ​ຊະ​ນະ​ຈາກ​ການ​ຕໍ່​ສູ້​ກັບ​ສັດ​ຕູ.

ເມື່ອ​ມາ​ຮອດ​ຊຸມ​ປີ ຄ​.ສ 1960 ໃນ​ປາງ​ສົງ​ຄາມ​ຕ້ານ​ຈັກ​ກ​ະ​ພັດ​ລ່າ​ເມືອງ​ຂຶ້ນ​ແບບ​ໃໝ່. ຈອມ​ພູ​ເກັງ​ແຫ່ງນີ້​ໄດ້​ກາຍ​ເປັນ​ສະ​ໜາມ​ຮົບ ແລະ ເປັນ​ເຂດ​ຍຸດ​ທະ​ສາດ​ທາງ​ດ້ານ​ການ​ທະ​ຫານ​ຂອງ​ປະ​ຊາ​ຊົ​ນ​ລາວ​ໃນ​ການ​ປົດ​ປ່ອຍ​ທົ່ງ​ໄຫ​ຫີ​ນ ຊຶ່ງ​ເພິ່ນ​ໄດ້​ເຈາະ​ຈອມ​ພູ​ດັ່ງ​ກ່າວ​ໃຫ້​ຊອດ​ກັນ​ແລ້ວ​ເທ​ເບ​ຕົງ ຍາວປະ​ມານ 100 ແມັດ ເພື່ອ​ສ້າງ​ປ້ອມ ຫຼື ບ່ອນ​ສະ​ກັດ​ກັ້ນ​ຕາມ​ສອງ​ຟາກ​ເປີ້ນ​ພູ, ພາຍ​ໃນ​ອຸ​ໂມງ​ມີ​ຫ້ອງນອນ ແລະ ຫ້ອງ​ເກັບ​ເຄື່ອງ​ຂອງ​ຕ່າງໆ​ໃນ​ສະ​ໄໝ​ນັ້ນ. ພູ​ເກັງ​ໄດ້​ເປີດ​ໃຫ້​ນັກ​ທ່ອງ​ທ່ຽວ​ເຂົ້າ​ຊົມ​ຢ່າງ​ເປັນ​ທາງ​ການ ນັບ​ແຕ່​ວັນ​ທີ 23 ມັງ​ກອນ 2012 ເປັນ​ຕົ້ນ​ມາ ຊຶ່ງ​ມີ​ເສັ້ນ​ທາງ​ປູ​ຢາງ​ເຂົ້າ​ເຖິງ​ຢ່າງ​ສະ​ດວກ​ສະ​ບາຍ ແລະ ມີ​ຂັ້ນ​ໄດ​ເບ​ຕົງ​ແຕ່​ຕີນ​ພູ​ຈົນ​ເຖິງ​ຈອມ​ພູ ​ເໝາະ​ສຳ​ລັບ​ຜູ້​ມັກ​ຍ່າງ​ຂຶ້ນ​ພູ ເພື່ອ​ຊົມ​ທິວ​ທັດ​ຄວາມ​ສວຍ​ງາມ​ຂອງ​ພູ​​ພຽງ​ຊຽງ​ຂວາງ​ທີ່ກວ້າງ​ໃຫຍ່​ສຸດ​ສາຍ​ຕາ.

ພູເກັ່ງຕັ້ງຢູ່​ທາງ​ທິດ​ຕາ​ເວັນ​ຕົກ​ສ່ຽງ​ເໜືອ​ຂອງ​ໂພນ​ສະ​ຫວັນ ແຂວງຊຽງຂວາງປະ​ມານ 15 ກິ​ໂລ​ແມັດ.

ຂໍ້ມູນຈາກ: ກົມໂຄສະນາການທ່ອງທ່ຽວກະຊວງ ຖວທ

ຮຽບຮຽງໂດຍ: ຕຸໄລເພັດ ພິມເມືອງ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ