ປະຊາຊົນລາວສ່ວນຫຼາຍແມ່ນໄດ້ເວົ້າເປັນຫາງສຽງດຽວກັນ ແລະ ມີຄໍາຖາມດຽວກັນວ່າ: ບໍ່ເຫັນດີທີ່ຈະທູບຕຶກເກົ່າຕະຫຼາດເຊົ້າ ມໍ1 ແລະ ມໍ2 ເພື່ອພັດທະນາໃໝ່ ແລະ ເປັນຫຍັງລັດຖະບານຄືບໍ່ຮັກສາຕຶກ ໄວ້ໃຫ້ເປັນມໍລະດົກຂອງຊາດ ເພາະຕຶກເກົ່າຕະຫຼາດເຊົ້ານີ້ຖືວ່າເປັນຕຶກເກົ່າແກ່ຄູ່ບ້ານຄູ່ເມືອງວຽງຈັນມາຫຼາຍສະຕະວັດແລ້ວ.
ລັດຖະບານໄດ້ອະນຸຍາດໃຫ້ນັກລົງທຶນຈີນເມື່ອບໍ່ດົນມານີ້ ເພື່ອສໍາປະທານຕຶກຕະຫຼາດເຊົ້າດັ່ງກ່າວ ໂດຍແມ່ນ ບໍລິສັດ ຮົວຊິນ ພັດທະນາ ຈຳກັດ ຊຶ່ງມີອາຍຸສໍາປະທານ 40 ປີ ເພື່ອພັດທະນາໃຫ້ເປັນຕຶກ ຫຼື ຕະຫຼາດທີ່ທັນ ສະ ໄໝ. ປັດຈຸບັນນີ້ທາງບໍລິສັດກໍາລັງກຽມຍົກຍ້າຍຊາວຄ້າຂາຍຕ່າງໆ ອອກຈາກຕຶກດັ່ງກ່າວໂດຍຈະໃຫ້ເວລາ 3 ເດືອນ ໃຫ້ຍົກຍ້າຍອອກໝົດ ຊຶ່ງທາງບໍລິສັດມີສະຖານທີ່ໄວ້ ຮອງຮັບໄວ້ແລ້ວລວມມີ 302 ຫ້ອງ.
ຂ່າວ: ວຽງຈັນທາຍ
