2 ສ່ຽວຄື: ທ້າວ ຄວາຍຄໍ ອາຍຸ 35 ປີ ຢູ່ບ້ານທ່າພະລານໄຊ ເມືອງສີສັດຕະນາກ ແລະ ທ້າວ ກ໋ອກ ໄຊຍະວົງ ອາຍຸ 35 ປີ ຢູ່ບ້ານ ດົງໂພນເລົາ ເມືອງ ຫາດຊາຍຟອງ ນະຄອນຫຼວງວຽງຈັນ ກໍາໄດ້ໄລ່ນຳທັນຖືກ ປກສ ເມືອງ ຫາດຊາຍຟອງ ນະຄອນຫຼວງວຽງຈັນ ຈັບຕົວ ເມື່ອມໍ່ໆມານີ້ໃນຂໍ້ຫາລັກຊັບໂດຍການໄປເລາະງັດ ວັດ ຫຼື ຕູ້ບໍລິຈາກຢູ່ໃນວັດຊຶ່ງໃຊ້ລົດຈັກເປັນພາຫະ ນະ ໃນການເລາະກໍ່ເຫດ ແລະ ພວກກຽ່ວໄດ້ພາກັນກໍ່ເຫດດັ່ງກ່າວມາແລ້ວລວມ 4 ຄັ້ງໄດ້ເງິນຫຼາຍກວ່າ 23 ລ້ານກີບ ຊຶ່ງເງິນທີ່ໄດ້ມາໄດ້ມີການແບ່ງກັນເພື່ອຊື້ຢາບ້າມາເສບ ແລະ ຫຼຸິ້ນເກມ.
ຜ່ານການສືບສວນ-ສອບສວນ ຂອງເຈົ້າໜ້າທີ່, ທັງ 2 ຄົນໄດ້ໃຫ້ການຮັບສາລະພາບວ່າ: ພວກຕົນໄດ້ກໍ່ເຫດລັກຊັບຢູ່ຕາມວັດຕ່າງໆມາແລ້ວລວມ 4 ຄັ້ງ ຊຶ່ງຄັ້ງທີ 1 ໄດ້ກໍ່ເຫດເມື່ອ ເດືອນ ຕຸລາ 2021 ທີ່ຜ່ານມາ ເວລາ ປະມານ 15 :00 ໂມງ ຢູ່ວັດບ້ານສົມສະນຸກ ໂດຍໄດ້ງັດກຸດຕິວັດໄດ້ເງິນ 9,3 ລ້ານກີບ, ເງິນບາດຈໍານວນ 10.000 ບາດ, ເງິນໂດລາຈຳນວນ 100 ໂດລາ; ຄັ້ງທີ 2 ໃນເດືອນພະຈິກ ປີ 2021 ໄດ້ເຂົ້າໄປ ລັ ກ ຊັ ບ ຢູ່ວັດບ້ານ ຊຽງດາ ( ວັດທຳກຽນ) ເມືອງໄຊເສດຖາ ໄດ້ເງິນບາດ 13.000 ບາດ, ເງິນໂດລາ 57 ໂດລາ, ເງິນກີບ 5,7 ລ້ານກີບ; ຄັ້ງທີ 3 ກໍ່ເຫດໃນເດືອນ ພະຈິກ ປີ 2021, ພວກກ່ຽວ ໄດ້ເຂົ້າໄປ ລັ ກ ຊັ ບ ຢູ່ວັດບ້ານ ດົງຄຳຊ້າງ ແຕ່ໃນເວລາດຽວກັນ ໄດ້ມີຈົວນ້ອຍພົບເຫັນ ພວກກ່ຽວຈຶ່ງໄດ້ພາກັນເອົາຕົວ ຫຼົບໜີບໍ່ໄດ້ຊັບສິນຫຍັງ ແລະ ຄັ້ງທີ 4 ໃນ ເດືອນກຸມພາ 2022 ນີ້,ໄດ້ເຂົ້າໄປງັດກຸດຕິວັດ ບ້ານດອນດູ່ ໄດ້ເງິນ 8,4 ລ້ານກີບ, ເງິນບາດ 1.000 ບາດ ພ້ອມໂທລະສັບ 1 ໜ່ວຍ.
ຂໍ້ມູນ-ພາບ: ປກສ ເມືອງຫາດຊາຍຝອງ
