Vientiane Times Lao
3 ວັນຕໍ່ໄປນີ້ອາດເກີດມີຟ້າຜ່າ, ນ້ຳຖ້ວມຊູ, ຖ້ວມອັ່ງ ແລະ ດິນເຈື່ອນ ຢູ່ຫຼາຍແຂວງ

3 ວັນຕໍ່ໄປນີ້ອາດເກີດມີຟ້າຜ່າ, ນ້ຳຖ້ວມຊູ, ຖ້ວມອັ່ງ ແລະ ດິນເຈື່ອນ ຢູ່ຫຼາຍແຂວງ

ກົມອຸຕຸນິຍົມ ແລະ ອຸທົກກະສາດແຈ້ງໃຫ້ຮູ້ເມື່ອບໍ່ດົນມານີ້ວ່າ: ປະຊາຊົນບັນດາແຂວງ ຜົ້ງສາລີ, ຫົວພັນ, ຊຽງຂວາງ, ອຸດົມໄຊ, ຫຼວງນ້ຳທາ, ບໍ່ແກ້ວ, ຫຼວງພະບາງ, ໄຊຍະບູລີ, ວຽງຈັນ, ໄຊສົມບຸນ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ, ອັດຕະປື ແລະ ນະຄອນຫຼວງວຽງຈັນ ໃຫ້ກຽມຮັບມືກັບສະພາບຝົນຕົກໜັກ ແລະ ລົມພັດແຮງນັບແຕ່ມື້ນີ້ ວັນທີ 2 ຫາ 4 ສິງຫາ ຍ້ອນພະຍຸດີເປຣຊັ້ນທີ່ ກໍ່ໂຕຢູ່ທະເລຈີນໃຕ້ໄດ້ເຄື່ອນເຂົ້າມາປະເທດລາວໃນວັນທີ 31 ກໍລະກົດ 2020 ທີ່ຜ່ານມາຊຶ່ງໃນໄລຍະ 3 ວັນຂ້າງໜ້ານັັບແຕ່ມື້ນີ້ອາດຈະ ເກີດມີຟ້າຜ່າ, ນ້ຳຖ້ວມຊູ, ຖ້ວມອັ່ງ ແລະ ດິນເຈື່ອນ ຢູ່ບັນດາເຂດດັ່ງກ່າວ.

ກົມອຸຕຸນິຍົມ ແລະ ອຸທົກກະສາດແຈ້ງໃຫ້ຮູ້ຕື່ມອີກວ່າ: ພະຍຸດີເປຣຊັ້ນໄດ້ເລີ່ມກໍ່ໂຕແຕ່ແລງວັນສຸກທີ່ຜ່ານມາເຮັດໃຫ້ທົ່ວປະເທດມີຝົນຕົກຄ່ອຍຫາລະດັບປານກາງ, ແຕ່ນັບແຕ່ມື້ນີ້ໄປຝົນຈະເລີ່ມຕົກໜັກກວ່າ 2

ວັນທີ່ຜ່ານມາຈຶ່ງແຈ້ງເຕືອນມາຍັງພໍ່ແມ່ປະຊາຊົນຢູ່ໃນຂອບເຂດດັ່ງກ່າວຈົ່ງມີມີສະຕິລະວັງຕົວ ໂດຍສະເພາະປະຊາຊົນທີ່ອາໄສຢູ່ໃກ້ແມ່ນໍ້າຫ້ວຍຮ່ອງ ແລະ ຮ່ອມພູຊຶ່ງອາດຈະເກີດມີນໍ້າໄຫຼ,ຖ້ວມອັ່ງ ແລະ ດິນເຈື່ອນ.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ