Vientiane Times Lao
5-6 ວັນຕໍ່ໄປນີ້ທົ່ວທຸກພາກຂອງປະເທດອາກາດຍັງສືບຕໍ່ຮ້ອນຫາຮ້ອນອົບເອົ້າ ແລະ ມີຝົນຕົກພ້ອມດ້ວຍຟ້າຮ້ອງຟ້າເຫຼື້ອມ ແລະ ລົມພັດແຮງ

5-6 ວັນຕໍ່ໄປນີ້ທົ່ວທຸກພາກຂອງປະເທດອາກາດຍັງສືບຕໍ່ຮ້ອນຫາຮ້ອນອົບເອົ້າ ແລະ ມີຝົນຕົກພ້ອມດ້ວຍຟ້າຮ້ອງຟ້າເຫຼື້ອມ ແລະ ລົມພັດແຮງ

ກົມອຸຕຸນິຍົມ ແລະ ອຸທົກກະສາດ ໄດ້ພະຍາກອນລ່ວງໜ້າກ່ຽວກັບສະພາບອາກາດນັບແຕ່ວັນທີ 19-25 ເມສາ 2021 ນີ້ວ່າ: ທົ່ວທຸກພາກຂອງປະເທດອາກາດຍັງສືບຕໍ່ຮ້ອນ ຫາຮ້ອນອົບເອົ້າ ພ້ອມທັງມີຝົນຕົກໃນລະດັບຄ່ອຍ, ຝົນຕົກປານກາງ ຫາ ຕົກໜັກພ້ອມດ້ວຍຟ້າຮ້ອງຟ້າເຫຼື້ອມ, ລົມພັດແຮງເປັນບາງໂອກາດຢູ່ບາງທ້ອງຖິ່ນໂດຍສະເພາະແຂວງ ພາກກາງ ແລະ ພາກໃຕ້ ຍ້ອນຄວາມກົດດັນຕ່ໍາຂອງອາກາດຮ້ອນຈະປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງປານກາງ, ສົມທົບກັບກະແສລົມຕາເວັນຕົກ ແລະ ຕາເວັນອອກສ່ຽງໃຕ້ພັດປົກຄຸມເປັນສ່ວນໃຫຍ່.

ກົມອຸຕຸນິຍົມ ແລະ ອຸທົກກະສາດໃຫ້ຮູ້ຕື່ມອີກວ່າ: ກ່ຽວກັບສະພາບອາກາດດັ່ງກ່າວຈຶ່ງຂໍແຈ້ງເຕືອນເຖິງປະຊາຊົນທີ່ອາໄສຢູ່ເຂດດັ່ງກ່າວ ຈົ່ງມີສະຕິລະມັດລະວັງຕໍ່ສະພາບອາກາດຮ້ອນຫາ ຮ້ອນເອົ້າ ທີ່ຈະເຮັດໃຫ້ເກີດມີອັກຄີໄພ ແລະ ມີສະຕິລະມັດລະວັງຕໍ່ສະພາບພາຍຸຝົນຕົກຟ້າຮ້ອງຟ້າເຫຼື້ອມ, ຟ້າຜ່າແລະ ໝາກເຫັບຕົກ ພ້ອມມີລົມພັດແຮງ ທີ່ຈະເຮັດໃຫ້ມີຕົ້ນໄມ້, ປ້າຍໂຄສະນາ ແລະ ເສົາໄຟຟ້າຫັກລົ້ມ, ໃນເວລາຝົນຕົກຟ້າຮ້ອງຟ້າເຫຼື້ອມໃຫ້ຫຼີກລ່ຽງຈາກການໄປຢູ່ກ້ອງຕົ້ນໄມ້ໃຫຍ່ ເພາະອາດຈະຖືກຟ້າຜ່າໄດ້. ພ້ອມນີ້ ຂໍໃຫ້ຕິດຕາມການລາຍງານຂ່າວສະພາບອາກາດຈາກກົມອຸຕຸນິຍົມ ແລະ ອຸທົກກະສາດ ຢ່າງເປັນປະຈຳ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ