ສະຖານີລົດໄຟຈີນ-ລາວ 7 ແຫ່ງປະກອບມີສະຖານີວຽງຈັນໃຕ້, ສະຖານີໂພນໂຮງ, ສະຖານີວັງວຽງ, ສະຖານີຫຼວງພະບາງ, ສະຖານີນາເຕີຍ ແລະ ສະຖານີເມືອງໄຊໄດ້ເປີດໃຫ້ບໍລິການຂົນສົ່ງສິນຄ້າຄົບທຸກສະຖານີແລ້ວຊຶ່ງສະຖານີເມືອງໄຊຖືວ່າເປັນສະຖານີສຸດທ້າຍທີ່ໄດ້ເປີດໃນວັນທີ 1 ພະຈິກ 2022 ທີ່ຜ່ານມາ.
ສະຖານີເມຶອງໄຊ ແຂວງອຸດົມໄຊ ຕັ້ງຢູ່ໃຈກາງທາງພາກເໜືອຂອງລາວ, ເປັນທັງສະຖານີຂົນສົ່ງຜູ້ໂດຍສານ ແລະ ຂົນສົ່ງສິນຄ້າ, ມີເນື້ອທີ່ທັງໝົດ 4.582 ຕາແມັດ; ຄວາມຍາວຂອງລາງຂົນສົ່ງສິນຄ້າພາຍໃນສະຖານີແມ່ນ 367 ແມັດ, ມີລາງຮັບສົ່ງລົດໄຟ 3 ລາງ.
ປັດຈຸບັນ, ພະນັກງານຄຸ້ມຄອງ ແລະ ພະນັກງານປະຕິບັດການຂອງສະຖານີຂົນສົ່ງສິນຄ້າແມ່ນມີຄວາມພ້ອມໃນການໃຫ້ບໍລິການແລ້ວ ແລະ ອຸປະກອນການບັນທຸກ, ເຄື່ອງຊັ່ງນໍ້າໜັກລົດບັນທຸກ, ເຄື່ອງເຕີມນໍ້າມັນ ແລະ ອື່ນໆ.
ໃນດ້ານການຂົນສົ່ງສິນຄ້າ, ສະຖານີຂົນສົ່ງສິນຄ້າເມືອງໄຊ ຕົ້ນຕໍແມ່ນດຳເນີນການຮັບສົ່ງຕູ້ຄອນເທນເນີ, ໃນເບື້ອງຕົ້ນຂອງການເປີດບໍລິການ ແມ່ນຊ່ວຍຊຸກຍູ້ການສົ່ງອອກຜົນຜະລິດ, ຜະລິດຕະພັນກະສິກຳ, ພືດພັນ ແລະ ແຮ່ໂລຫະເປັນຕົ້ນ.
