Vientiane Times Lao
84 ວັນແລ້ວທີ່ລາວບໍ່ມີຜູ້ຕິດເຊື້ອໂຄວິດ-19 ແຕ່ໜ້າວິຕົກເພາະທົ່ວໂລກມີຜູ້ເສຍຊິວິດ 532.644 ຄົນ

84 ວັນແລ້ວທີ່ລາວບໍ່ມີຜູ້ຕິດເຊື້ອໂຄວິດ-19 ແຕ່ໜ້າວິຕົກເພາະທົ່ວໂລກມີຜູ້ເສຍຊິວິດ 532.644 ຄົນ

ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ພະຍາດ​ ໂຄວິດ-19 (COVID-19) ແຈ້ງວັນທີ 5 ກໍລະກົດ 2020 ນີ້ໃຫ້ຮູ້ວ່າ: ການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ ໃນວັນທີ 04 ກໍລະກົດ 2020, ເຊິ່ງໄດ້ເກັບຕົວຢ່າງມາກວດວິເຄາະທັງໝົດ 285 ຄົນ, ໃນນັ້ນຜູ້ອອກແຮງງານລາວມາແຕ່ໄທ 281 ຄົນ, ຈາກຈີນ 4 ຄົນ, ຜົນກວດທັງໝົດແມ່ນ ບໍ່ພົບເຊື້ອ ໝາຍຄວາມວ່າໃນວັນທີ 04 ກໍລະກົດ 2020 ຫຼື ເປັນເວລາ 84 ວັນແລ້ວທີ່ລາວບໍ່ມີຜູ້ຕິດເຊື້ອໃໝ່ແຕ່ທົ່ວໂລກຍັງມີການລະບາດຂອງພະຍາດດັ່ງກ່າວເປັນວົງກວ້າງ ຊຶ່ງໄດ້ເຮັດໃຫ້ມີຜູ້ເສຍຊີວິດແລ້ວ 532.644 ຄົນ ຈາກຜູ້ຕິດເຊື້ອທັງໝົດ 11.362.457 ຄົນ.

ຄະນະສະເພາະກິດ ແຈ້ງໃຫ້ຮູ້ຕື່ມອີກວ່າ: ສໍາລັບການເຝົ້າລະວັງ ພະຍາດ COVID-19 ຢູ່ ສປປ ລາວ ຮອດ 5 ໂມງແລງ ຂອງວັນທີ 04 ກໍລະກົດ 2020 ໃນການຕິດຕາມຜູ້ເດີນທາງຈາກຈຸດຜ່ານແດນຕ່າງໆໃນຂອບເຂດທົ່ວປະເທດ, ມີຜູ້ເດີນທາງເຂົ້າມາລາວທັງໝົດ 2.471 ຄົນ, ໃນນັ້ນຈຸດຜ່ານດ່ານລາວ-ໄທ 1.474 ຄົນ (ເປັນຜູ້ອອກແຮງງານລາວກັບມາແຕ່ໄທ ລວມທັງນັກການທູດລັດເຊຍ 3 ຄົນ, ໄທ 5 ຄົນທີ່ມາເຮັດວຽກຢູ່ລາວ), ຈຸດຜ່ານດ່ານລາວ – ຈີນ 27 ຄົນ (ທັງໝົດ ແມ່ນຄົນຂັບລົດສົ່ງສິນຄ້າ ແລະ ຜູ້ຕິດຕາມ), ຈຸດຜ່ານດ່ານລາວ – ຫວຽດນາມ 704 ຄົນ ໃນນີ້ນັກສືກສາລາວ 29 ຄົນ ຜ່ານດ່ານລະໄລ, ແຂວງສາລະວັນ. ຄົນລາວ 07 ຄົນ. ເຫຼືອນັ້ນແມ່ນຄົນຂັບລົດສົ່ງສິນຄ້າ ແລະ ຜູ້ຕິດຕາມ ເຊິ່ງສ່ວນຫຼາຍແມ່ນເຂົ້າມາປ່ຽນຖ່າຍສິນຄ້າ ແລະ ປ່ຽນຜູ້ຂັບລົດຢູ່ດ່ານ.ການເດີນທາງຜ່ານສະໜາມບິນສາກົນວັດໄຕ 266 ຄົນຊຶ່ງທັງໝົດແມ່ນແຮງງານຄົນຈີນ. ທຸກຄົນທີ່ເຂົ້າມາແມ່ນໄດ້ແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກ​ໆຄົນມາກວດ (ຍົກ​ເວັ້ນແຕ່​ຜູ້​ຂັບ​ລົດ​ຂົນ​ສົ່ງ ​ແລະ ​ຜູ້​ຕິດ​ຕາມ​) ແລ້ວຈຶ່ງນຳສົ່ງໄປ​ຫາສະຖານທີ່ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

ມາຮອດວັນທີ 05 ກໍລະກົດ 2020, ທົ່ວໂລກມີການລາຍງານການລະບາດ ທັງໝົດ 213 (ປະເທດ/ເຂດ) ເຊິ່ງມີການຢັ້ງຢືນຜູ້ຕິດເຊື້ອພະຍາດ COVID-19 ແມ່ນ 11.362.457 ຄົນ (183.262 ໃໝ່) ແລະ ມີຜູ້ ເສຍຊິວິດ 532.644 (4.291 ໃໝ່). ປີ່ນປົວຫາຍດີ 6.427.824 (19.648 ໃໝ່).

ຢູ່ຂົງເຂດອາຊີ ຍັງແມ່ນປະເທດອິນເດຍ ທີ່ມີທ່າອ່ຽງ ໃນການຕິດເຊື້ອ COVID-19 ເພິ່ມຂຶ້ນ, ຈຳນວນຜູ້ຕິດເຊື້ອມື້ດຽວສູງເຖິງ 24.015  ຄົນ ແລະ ໃນບັນດາກຸ່ມປະເທດອາຊຽນ ການຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ 161.134 ຄົນ ແລະ ເສຍຊີວິດແລ້ວ 4.593 ​ຄົນ.

ຂ່າວ: ວຽງຈັນທາຍ

ພາບປະກອບ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ