ສປປ ລາວບໍ່ເຫັນດີຕໍ່ກັບການນຳໃຊ້ລະເບີດ ລູກຫວ່ານ
ກະຊວງການຕ່າງປະເທດໄດ້ອອກຖະແຫຼງການເມື່ອມໍ່ໆມານີ້ຕໍ່ກັບການນຳໃຊ້ລະເບີດລູກຫວ່ານໂດຍມີເນື້ອໃນວ່າ: ໃນຖານະປະເທດທີ່ໄດ້ຮັບຜົນກະທົບຫຼາຍທີ່ສຸດຈາກລະເບີດລູກຫວ່ານ ແລະ ໃນຖານະທີ່ເປັນລັດພາຄີສົນທິສັນຍາວ່າດ້ວຍການເກືອດຫ້າມລະເບີດລູກຫວ່ານ, ສປປລາວສະແດງຄວາມເປັນຫ່ວງຕໍ່ກັບການປະກາດ ແລະ ຄວາມສ່ຽງທີ່ລະເບີດລູກຫວ່ານຈະຖືກນຳໃຊ້. ຕະຫຼອດໄລຍະຫຼາຍກວ່າຫ້າທົດສະວັດທີ່ຜ່ານມາ, ປະຊາຊົນລາວໄດ້ຮັບເຄາະຮ້າຍຈາກລະເບີດລູກຫວ່ານທີ່ອັນຕະລາຍຮ້າຍແຮງ ແລະ ມາຮອດປັດຈຸບັນ ປະຊາຊົນລາວຍັງສືບຕໍ່ໄດ້ຮັບຜົນກະທົບຈາກລະເບີດບໍ່ທັນແຕກຊຶ່ງເປັນໄພຂົ່ມຂູ່ຕໍ່ຊີວິດ ແລະ ການເປັນຢູ່ຂອງປະຊາຊົນຂອງພວກເຮົາ. ສະນັ້ນ, ສປປ ລາວ ຂໍຮຽກຮ້ອງມາຍັງບັນດາປະເທດ ແລະ…
