Vientiane Times Lao
Facebook ເປີດໂຕອາວາຕາໃນລາວ

Facebook ເປີດໂຕອາວາຕາໃນລາວ

ພວກເຮົາໄດ້ເລີ່ມເປີດການນໍາໃຊ້ອາວາຕາໃນ ຫຼາຍປະເທດທົ່ວໂລກ ເເລະ ມື້ນີ້ກໍຮູ້ສຶກດີໃຈທີ່ຈະໄດ້ເປີດໃຫ້ຄົນລາວໄດ້ໃຊ້ເຊັ່ນກັນ. ເນື່ອງຈາກວ່າການໃຊ້ຊີວິດປັດຈຸບັນ ມີການກ່ຽວຂ້ອງກັບໂລກອອນລາຍຫຼາຍຂຶ້ນ, ພວກເຮົາຍິນດີທີ່ຈະນຳສະເໜີ ວິທີໃໝ່ ເພື່ອນໍາສະເໜີຄວາມເປັນຕົນເອງໃນ Facebook.

ອາວາຕາ ໃຫ້ທ່ານສາມາດສ້າງ ຕົວຕົນເເບບດິຈິຕອນ, ເຊິ່ງຈະເປັນຕົວເເທນຂອງໂຕທ່ານ ໃນການເເບ່ງປັນຄວາມຮູ້ສຶກ ແລະ ຄວາມຄິດໃນຮູບເເບບທີ່ມ່ວນສ້າງສັນ. ທ່ານສາມາດແບ່ງປັນຄວາມຮູ້ສຶກເຫຼົ່ານີ້ ຜ່ານສະຕິກເກີໃນກ່ອງຄຳເຫັນ, Messenger ແລະ Story ຂອງທ່ານ.

ວິທີສ້າງອາວາຕາ:

ທ່ານສາມາດສ້າງອາວາຕາໃນແບບຂອງທ່ານດ້ວຍການເລືອກອົງປະກອບຕ່າງໆເຊັ່ນ: ໃບໜ້າ, ຜົມ, ເຄື່ອງນຸ່ງ ແລະ ອື່ນໆ ໃຫ້ກາຍເປັນອາວາຕາໃນແບບທີ່ທ່ານມັກ. ທ່ານສາມາດເຂົ້າຟີເຈີນີ້ຜ່ານ Bookmarks ໃນ Facebook ເເອັບ, ເເລະ ຜ່ານກ່ອງຄຳເຫັນ. ນອກນັ້ນ, ທ່ານກໍສາມາດສ້າງ ອາວາຕາຜ່ານການກົດເຂົ້າໄປ ອາວາຕາຂອງຜູ້ອື່ນທີ່ເຂົາເເບ່ງປັນໃນ Facebook.

ເພື່ອສ້າງອາວາຕາຂອງທ່ານຜ່ານມືຖື, ເຂົ້າໄປທີ່ກ່ອງຄຳເຫັນໃນ Facebook ຫຼື ການສົ່ງຂໍ້ຄວາມໃນ Messenger, ກົດເຂົ້າໄປທີ່ປຸ່ມ “ໜ້າຍິ້ມ” ເເລ້ວເລືອກເເທັບ ສະຕິກເກີ. ເຂົ້າໄປທີ່ “Create Your Avatar” ຫຼື ອີກວິທີໜຶ່ງເເມ່ນຜ່ານໜ້າ Bookmark ໃນ ເເອັບ Facebook. (ໝາຍເຫດ: ສາມາດສ້າງອາວາຕາໃນ Messenger ໄດ້ທັງໃນລະບົບ Android ເເລະ iOS).

16 ກັນຍາ 2020

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ