ກອງປະຊຸມສະໄໝສາມັນຄັ້ງທີ 19 ຂອງຄະນະກຳມະການລະຫວ່າງລັດຖະບານ ເພື່ອອະນຸລັກມໍລະດົກວັດທະນະທຳນາມມະທຳຂອງອົງການການສຶກສາ ວິທະຍາສາດ ແລະ ວັດທະນະທຳຂອງອົງການສະຫະປະຊາຊາດ ຫຼື UNESCO ທີ່ຈັດຂຶ້ນຢູ່ນະຄອນຫຼວງອາຊູງຊັນປະເທດປາຣາໄກວ ເມື່ອວັນທີ 4 ທັນວານີ້ ໄດ້ຜ່ານການຮັບຮອງເອົາ “ບຸນກຸດຈີນ: ພຶດຕິກຳສັງຄົມດ້ານການສະຫຼອງບຸນປີໃໝ່ປະເພນີຄົນຈີນ” ທີ່ສະເໜີຄຳຮ້ອງໂດຍປະເທດຈີນນັ້ນເຂົ້າໃນບັນຊີລາຍຊື່ມໍລະດົກວັດທະນະທຳນາມມະທຳຂອງມວນມະນຸດຂອງອົງການ UNESCO ແລ້ວ. ຜ່ານຈາກການຮັບຮອງໃນຄັ້ງນີ້, ເຮັດໃຫ້ຈີນ ມີມໍລະດົກວັດທະນະທຳນາມມະທຳ ທັງໝົດ 44 ລາຍການ ທີ່ໄດ້ຖືກຮອງຮັບເຂົ້າໃນບັນຊີລາຍຊື່ມໍລະດົກວັດທະນະທຳນາມມະທຳຂອງອົງການ UNESCO ເຊິ່ງເປັນຈຳນວນຫຼາຍ ອັນດັບໜຶ່ງຢູ່ໃນໂລກ.
ບຸນກຸດຈີນ ເປັນບຸນປະເພນີຂອງຈີນ ທີ່ມີພື້ນຖານອັນໜັກແໜ້ນທີ່ສຸດ ມີເນື້ອໃນອຸດົມສົມບູນທີ່ສຸດ, ມີຜູ້ເຂົ້າຮ່ວມຫຼາຍທີ່ສຸດ ແລະ ມີຊື່ສຽງອິດທິພົນກວ້າງຂວາງທີ່ສຸດ. ໃນໄລຍະບຸນກຸດຈີນ ແຕ່ລະປີ, ຊາວຈີນ ໃນທົ່ວໂລກ ຕ່າງກໍຈະສະເຫຼີມສະຫຼອງບຸນປະເພນີນີ້ ໂດຍປິ່ນອ້ອມຫົວຂໍ້ “ສົ່ງທ້າຍປີເກົ່າຕ້ອນຮັບປີໃໝ່, ຂໍພອນຮັບໂຊກ, ເຕົ້າໂຮມສາມັກຄີຢ່າງກົມກຽວປອງດອງກັນ.”
ຂ່າວ: CRI
