* ໂປຣໂມຊັນມີເວລາຈຳກັດໃຫ້ປີ້ຈາກ USD0 ໃນທົ່ວທຸກເສັ້ນທາງ
(ນະຄອນຫຼວງວຽງຈັນ, 3 ເມສາ 2025) – VietJet ໄດ້ເປີດບໍລິການຖ້ຽວບິນໃໝ່ຢ່າງຕໍ່ເນື່ອງ 4 ແຫ່ງທີ່ເຊື່ອມຕໍ່ນະຄອນຫຼວງຮ່າໂນ້ຍ ແລະ ນະຄອນໂຮ່ຈິມິນຂອງຫວຽດນາມ ໄປປັກກິ່ງ ແລະ ກວາງໂຈ່ວ ປະເທດຈີນ. ເສັ້ນທາງເຫຼົ່ານີ້ເປັນຂີດໝາຍທີ່ສຳຄັນໃນການສືບຕໍ່ຂະຫຍາຍສາຍການບິນຂອງ VietJet ໃນປີ 2025, ເຊິ່ງລວມທັງເສັ້ນທາງການບິນໃໝ່ອື່ນໆໄປຍັງອິນເດຍ, ຍີ່ປຸ່ນ, ສິງກະໂປ ທີ່ໄດ້ເນັ້ນໜັກເຖິງການເຕີບໂຕຢ່າງແຂງແຮງຂອງສາຍການບິນ ແລະ ຄວາມໝັ້ນໝາຍໃນການເພີ່ມທະວີການເຊື່ອມຕໍ່ສາກົນ.
VietJet ກຳລັງສະເໜີໂປຣໂມຊັ່ນແບບຈຳກັດເວລາຕັ້ງແຕ່ມື້ນີ້ເຖິງວັນທີ 5 ເມສາ 2025, ດ້ວຍຄ່າໂດຍສານແບບ Eco-class ເລີ່ມຕົ້ນຕໍ່າສຸດ USD0 (ບໍ່ລວມພາສີ ແລະ ຄ່າທຳນຽມ) ໃນທຸກເສັ້ນທາງ. ຂໍ້ສະເໜີອັນບໍ່ໜ້າເຊື່ອນີ້ແມ່ນມີຢູ່ໃນຖ້ຽວບິນລະຫວ່າງວັນທີ 15 ເມສາ 2025 ຫາວັນທີ 28 ມີນາ 2026 (ຍົກເວັ້ນວັນພັກລັດຖະການ), ດ້ວຍການຈອງຜ່ານ www.vietjetair.com ຫຼື ແອັບມືຖື VietJet Air.
ເສັ້ນທາງໃໝ່ຫວຽດນາມ-ຈີນໃຫ້ບໍລິການປະຈຳວັນ ຈາກນະຄອນໂຮ່ຈິມິນ ໄປ ປັກກິ່ງ ແລະ ກວາງໂຈ່ວ, ແລະ ຮ່າໂນ້ຍໄປກວາງໂຈ່ວ. ໃນຂະນະໜຶ່ງ, ເສັ້ນທາງຮ່າໂນ້ຍ-ປັກກິ່ງໄດ້ເລີ່ມດຳເນີນຖ້ຽວບິນ 3 ຖ້ຽວຕໍ່ອາທິດ ກ່ອນທີ່ຈະຫັນເປັນການບໍລິການປະຈຳວັນແຕ່ວັນທີ 27/04/2025 ເປັນຕົ້ນໄປ. ນອກຈາກນັ້ນ, ການບໍລິການໃໝ່ຈາກ ຮ່າໂນ້ຍ-ຊຽງໄຮຈະເລີ່ມດຳເນີນໃນວັນທີ 29/04/2025, ໂດຍຈະເປີດໃຫ້ບໍລິການຖ້ຽວບິນທຸກວັນ.
ນັບແຕ່ຖ້ຽວບິນທຳອິດຈາກຫວຽດນາມໄປຈີນໃນປີ 2014, VietJet ໄດ້ເສີມສ້າງເຄືອຂ່າຍການບິນລະຫວ່າງສອງປະເທດບ້ານໃກ້ເຮືອນຄຽງ, ເຊິ່ງປະຈຸບັນໄດ້ກວມເອົາຫຼາຍກວ່າ 50 ປາຍທາງໃນທົ່ວປະເທດຈີນ. ເຄືອຂ່າຍນີ້ສະເໜີຖ້ຽວບິນທີ່ປະຢັດກັບຜູ້ຄົນລ້ານກວ່າຄົນ, ປະກອບສ່ວນໃນການຊຸກຍູ້ການແລກປ່ຽນວັດທະນະທຳ, ເສດຖະກິດ, ການຄ້າ, ການທ່ອງທ່ຽວໃນທົ່ວອາຊີ.
ໃນປີນີ້, ເສັ້ນທາງໃໝ່ ຫວຽດນາມ – ຈີນ ແມ່ນສ່ວນໜຶ່ງໃນການເປີດກວ້າງສາກົນຂອງ VietJet ຈາກສູນກາງທີ່ສຳຄັນຂອງຫວຽດນາມ. ນັບແຕ່ກາງເດືອນມີນາເປັນຕົ້ນມາ, ສາຍການບິນໄດ້ເລີ່ມບິນກົງຈາກ ນະຄອນໂຮ່ຈິມິນໄປ Hyderabad ແລະ Bengaluru ທີ່ປະເທດອິນເດຍ. ນອກຈາກນັ້ນຍັງມີເສັ້ນທາງໃໝ່ຈາກນະຄອນໂຮ່ຈິມິນ ໄປ Nagoya ແລະ Fukuoka ທີ່ປະເທດຍີ່ປຸ່ນ ທີ່ຈະເລີ່ມດຳເນີນໃນທ້າຍເດືອນເມສານີ້. ໃນຂະນະທີ່ເສັ້ນທາງໃໝ່ທີ່ເຊື່ອມຕໍ່ເກາະ Phu Quoc ທີ່ເປັນເກາະໃຫຍ່ທີ່ສຸດຂອງຫວຽດນາມ ໄປຫາ ສິງກະໂປ ຈະເລີ່ມດຳເນີນໃນທ້າຍເດືອນພຶດສະພານີ້.
ການຂະຫຍາຍຕົວຂອງ VietJet ແມ່ນຂັບເຄື່ອນໂດຍເຮືອກຳປັ່ນທີ່ທັນສະໄໝ, ຄວາມມຸ່ງໝັ້ນອັນໜັກແໜ້ນຕໍ່ກັບການດຳເນີນງານທີ່ເປັນເລີດ, ແລະ ສຸມໃສ່ຄວາມປອດໄພຂອງຜູ້ໂດຍສານ. ປັດຈຸບັນ, ສາຍການບິນໄດ້ສະໜອງຖ້ຽວບິນກົງປະຈຳວັນຈາກ ນະຄອນຫຼວງວຽງຈັນ ໄປຫາ ນະຄອນໂຮ່ຈິມິນ, ສູນເສດຖະກິດໃຫຍ່ຂອງປະເທດຫວຽດນາມ ແລະ ເມືອງຮ່າໂນ້ຍ ທີ່ເປັນນະຄອນຫຼວງຂອງປະເທດຫວຽດນາມ. ຈາກສອງນະຄອນດັ່ງກ່າວ, ບັນດານັກທ່ອງທ່ຽວສາມາດເຊື່ອມຕໍ່ໄດ້ຢ່າງງ່າຍດາຍກັບເຄືອຂ່າຍການບິນທີ່ກວ້າງຂວາງຂອງ VietJet ທີ່ກວມເອົາບັນດາຈຸດໝາຍປາຍທາງທີ່ເປັນນິຍົມໃນຫວຽດນາມ ແລະ ໃນທົ່ວອາຊີ-ປາຊີຟິກ.
