Vientiane Times Lao
ຕາຍ 5 ຄົນຍ້ອນອຸປະຕິເຫດ ໄລຍະບຸນພະທາດຫຼວງ

ຕາຍ 5 ຄົນຍ້ອນອຸປະຕິເຫດ ໄລຍະບຸນພະທາດຫຼວງ

ພະແນກຈະລາຈອນນະຄອນຫຼວງໄດ້ລາຍ ງານໃນຕອນເຊົ້າມື້ນີ້ 11 ພະຈິກ 2019 ວ່າ: ນັບແຕ່ວັນທີ 05-10 ພະຈິກ 2019 ໄດ້ມີອຸປະຕິເຫດເກີດຂຶ້ນທັງໝົດ 26 ຄັ້ງ ແລະ ເຮັດໃຫ້ມີຄົນເສຍຊີວິດເຖິງ 5 ຄົນເປັນຊາຍທັງໝົດ. ໃນນັ້ນມີຜູ້ບາດ ເຈັບເລັກນ້ອຍ 6 ຄົນ, ສົມຄວນ 22 ຄົນ, ແລະ ເຈັບສາຫັດ 5 ຄົນ, ພາຫະນະເປ່ເພ ເລັກນ້ອຍ 38 ຄັນ, ສົມຄວນ 21 ຄັນ ແລະ ໃຊ້ການບໍ່ໄດ້ 1 ຄັນ.
ທ່ານ ພັນໂທ ເພັງສະຫວັນ ທຳມາບູນ ຫົວໜ້າພະແນກ ຕຳຫຼວດຈະລາຈອນ ນະຄອນຫຼວງ ໄດ້ໃຫ້ສຳພາດຕໍ່ທີມງານ ນັກຂ່າວວຽງຈັນທາຍວ່າ: ອຸປະຕິເຫດສ່ວນຫຼາຍແມ່ນເກີດຈາກລົດຈັກຕຳລົດຈັກ ແລະ ເກີດຢູ່ບໍລິເວນນອກ ແລະ ຫ່າງຈາກເຂດບຸນພະທາດຫຼວງ ເຊັ່ນ: ວັນທີ 5 ພະຈິກ 2019 ມີເດັກນ້ອຍແລ່ນຕັດໜ້າ ລົດແກ່ດິນ ແລະ ຖືກລົດຢຽບເສຍຊີວີດ ຄາທີ່ ຢູ່ເມືອງໄຊເຊດຖາ, ວັນທີ 7 ໄດ້ເກີດມີ ລົດເມຕຳກັບລົດຈັກ ຢູ່ເມືອງປາກງື່ມ ເຮັດໃຫ້ເສຍຊີວີດ 1 ຄົນ, ຕອນເຊົ້າໆປະ ມານ 2-3 ໂມງ ຂອງວັນເສົາ ທີ 9 ໄດ້ເກີດມີລົດຈັກຕຳກັນຢູ່ບ້ານຊຽງດາ ເມືອງໄຊເຊດຖາ ເຮັດໃຫ້ມີເສຍຊີວິດ 2 ຄົນ ແລະ ຕອນຄ່ຳຂອງມື້ວານນີ້ ໄດ້ມີລົດຈັກຕຳກົ້ນລົດບັນທຸກຕາຍຄາທີ່ 1 ຄົນຢູ່ເຂດເມືອງໄຊທານີ.
ທ່ານ ພັນໂທ ເພັງສະຫວັນ ໄດ້ກ່າວຕື່ມວ່າ ເຮົາຍັງບໍ່ສາມາດສະຫຼູບໄດ້ເທື່ອວ່າ ອຸປະ ຕິເຫດສ່ວນໃຫຍ່ແມ່ນເກີດຈາກຜູ້ຂັບຂີ່ໃຊ້ ຄວາມໄວເກີນກຳນົດ ຫຼື ດື່ມສິ່ງມຶນເມົາ ແຕ່ເຖິງຢ່າງໃດກໍ່ຕາມທາງເຈົ້າໜ້າທີ່ກຳລັງ ເລັ່ງສືບສວນສອບສວນຫາສາເຫດຢ່າງລະ ອຽດ. ຄະດີທີ່ເກີດຂຶ້ນໃນງານບຸນພະທາດຫຼວງ ແມ່ນມີ 1 ກໍລະນີ ຄືການແຫກກະເປົາຢູ່ບໍລິ ເວນດ້ານນອກຂອງເດີນພະທາດຫຼວງ ແລະ ປະຈຸບັນຍັງບໍ່ສາມາດຈັບຜູ້ກໍ່ເຫດນັ້ນໄດ້.
ຂ່າວ: ສົມພາວັນ
ພາບ: 1623

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ