ຊາວໜຸ່ມອາສາສະໝັກ ແຂວງຈຳປາສັກ ຮ່ວມກັນປະດີດອຸປະກອນກັນລະອອງນ້ຳລາຍຈາກການໄອ, ຈາມ ເພື່ອປ້ອງກັນການແຜ່ລະບາດຂອງພະຍາດໂຄວິດ-19 ເພື່ອແຈກຢາຍ.
ອີງຕາມແຫຼ່ງຂ່າວຈາກໜັງສືພິມຈໍາປາໃໝ່, ຄະນະບໍລິຫານງານຊາວໜຸ່ມແຂວງຈຳປາສັກ ໄດ້ເຊີນເອົາຊາວໜຸ່ມອາສາສະໝັກຈາກພະ ແນກການ 9 ເມືອງ ແລະ 1 ນະຄອນ, ສະຖາບັນການສຶກສາພາຍໃນແຂວງຮ່ວມປະດິດອຸປະກອນກັນລະອອງຈາກການໄອ, ຈາມ ແລະ ນ້ຳລາຍ ໃນວັນທີ 20 ເມສາ 2020 ຢູ່ສະໂມສອນຂອງແຂວງ.
ຈຸດປະສົງແມ່ນຈະປະດິດໃຫ້ໄດ້ຈຳນວນ 5.000 ອັນ ເພື່ອນຳໄປແຈກຢາຍໃຫ້ກຸ່ມສ່ຽງທີ່ອາດຈະຕິດພະຍາດໂຄວິດ-19 ຢູ່ສູນຈໍາກັດບໍລິເວນ ແລະ ໂຮງໝໍ.
ມາຮອດປະຈຸບັນ ຢູ່ແຂວງຈໍາປາສັກ ຍັງບໍ່ມີລາຍງານຜູ້ຕິດເຊື້ອພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ ໂຄວິດ-19.
ຂ່າວ: ວຽງຈັນທາຍ
ພາບ: ໜັງສືພິມຈໍາປາໃໝ່
