ເນື່ອງໃນໂອກາດທີ່ຈີນ ສະເໜີຂໍ້ລິເລີ່ມຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ຄົບຮອບ 12 ປີ, ຫວ່າງມໍ່ໆມານີ້, ອົງການການບິນພົນລະເຮືອນຈີນ, ຄະນະກຳມະການພັດທະນາ ແລະ ປະຕິຮູບແຫ່ງຊາດຈີນ ຮ່ວມກັນເປີດເຜີຍ “ບົດລາຍງານການສ້າງສາພັດທະນາເສັ້ນທາງສາຍໄໝທາງອາກາດ”, ໂດຍໄດ້ແນະນຳຜົນງານການສ້າງເສັ້ນທາງສາຍໄໝທາງອາກາດຢ່າງຮອບດ້ານ, ພ້ອມທັງເຕົ້າໂຮມຄວາມເຫັນທີ່ເປັນເອກະພາບກັນຕື່ມອີກ ແລະ ກໍານົດວິໄສທັດການຮ່ວມມື ໃນອະນາຄົດ.
ບົດລາຍງານລະບຸວ່າ: ປັດຈຸບັນ, ຈີນ ໃຫ້ບໍລິການເຮືອບິນໂດຍສານປະຈໍາ ໄປ 61 ປະເທດທີ່ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ແລະ ເຮືອບິນຂົນສົ່ງສິນຄ້າ ໄປ 33 ປະເທດ, ນັບມາຮອດປັດຈຸບັນ, ບໍລິສັດການບິນຂອງຈີນ ໄດ້ເປີດເສັ້ນທາງການບິນສາກົນໄປເຖິງປະເທດທີ່ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ລວມທັງໝົດ 110 ປະເທດ, ເຊິ່ງໄດ້ສ້າງຊ່ອງທາງທາງອາກາດທີ່ປົກຄຸມເຖິງ 6 ແລວເສດຖະກິດໃຫຍ່ ຕາມ“ໜຶ່ງແລວໜຶ່ງເສັ້ນທາງ” ໃນເບື້ອງຕົ້ນ.
