ອໍານາດການປົກຄອງແຂວງຄຳມ່ວນ ຈະຈັດງານບຸນນະມັດສະການພະທາດສີໂຄດຕະບອງ ປະຈຳປີ 2026 ຈະມີຫຼາຍກິດຈະກຳທາງດ້ານວັດທະນະທຳ ແລະ ຮີດຄອງປະເພນີລາວ ແລະ ວາງສະແດງຂາຍສິນຄ້າ ທີ່ໜ້າສົນໃຈມາທ່ຽວຊົນ ໃນລະຫວ່າງວັນທີ 29 ມັງກອນ 2026 ຫາ ວັນທີ 2 ກຸມພາ 2026.
ກິດຈະກຳງານບຸນປະເພນີນີ້ ເນັ້ນໃສ່ທາງດ້ານວັດທະນະທຳ ການຕັກບາດຖວາຍສັງຂະທານຢູ່ຫໍພະຍາສີໂຄດ, ແຫ່ຜາສາດເຜີ້ງ ແລະ ອື່ນໆ ຕາມຮີດຄອງປະເພນີ ອັນດີງາມຂອງລາວ ທີ່ມີເອກະລັກໂດດເດັ່ນ ພ້ອມກັນນັ້ນ ຍັງມີງານວາງສະແດງ-ຈຳໜ່າຍສິນຄ້າ, ການສະແດງສີລະປະ-ວັນນະຄະດີ, ການແຂ່ງຂັນກິລາ ແລະ ອື່ນໆ ອີກດ້ວຍ ເພື່ອສ້າງໃຫ້ມີບັນຍາກາດຄຶກຄື້ນ ທັງເປັນການຊຸກຍູ້ສົ່ງເສີມຄວາມສາມາດ ແລະ ປົກປັກຮັກສາສີລະປະພື້ນເມືອງລາວໃຫ້ບັນດາທ່ານທີ່ມາທ່ຽວຊົມງານໄດ້ເຫັນເຖິງຄຸນຄ່າຂອງວັດທະນະທຳລາວ.