ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ໄດ້ຖະແຫຼງຂ່າວເມື່ອວັນທີ 27ເມສາ 2021 ນີ້ໃຫ້ຮູ້ວ່າ: ລາວກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 75 ຄົນ ເມື່ອວັນທີ 27 ເມສາ 2021 ນີ້ ຈາກຜູ້ທີ່ເຂົ້າມາກວດຫາເຊື້ອທັງໝົດ 2.646
ຄົນໃນມື້ວັນທີ 26 ເມສາ 2021 ທີ່ຜ່ານມາ, ຜູ້ຕິດເຊື້ອຈໍານວນດັ່ງກ່າວແມ່ນຢູ່ນະຄອນຫຼວງວຽງຈັນ
59 ຄົນ, ແຂວງຈໍາປາສັກ 8 ຄົນ, ສະຫວັນນະເຂດ 1 ຄົນ, ແຂວງວຽງຈັນ 4 ຄົນ, ບໍ່ແກ້ວ 1 ຄົນ, ຫຼວງພະບາງ 1 ຄົນ ແລະ ແຂວງ ຊຽງຂວາງ 1 ຄົນ.
ຮອດປັດຈຸບັນນີ້, ປະເທດລາວມີຜູ້ຕິດເຊື້ອສະສົມແລ້ວ 511 ຄົນ ໃນນີ້ປິ່ນປົວຫາຍດີ 49 ຄົນ.
ຮອດມື້ວັນທີ 27 ເມສາ 2021 ນີ້, ພະຍາດດັ່ງກ່າວໄດ້ແຜ່ລະບາດໄປຮອດ 14 ແຂວງ ແລະ ນະຄອນຫຼວງວຽງຈັນແລ້ວ ໂດຍກວດພົບຜູ້ຕິດເຊື້ອພະຍາດໂຄວິດ-19 ຜູ້ທໍາອິດຢູ່ແຂວງຊຽງຂວາງ ໃນມື້ວັນທີ 27 ເມສານີ້. ຍັງແຕ່ 3 ແຂວງທີ່ຍັງບໍ່ມີຜູ້ຕິດເຊື້ອພະຍາດໂຄວິດ-19 ຢູ່ລາວປະກອບມີ: ແຂວງອັດຕະປື, ໄຊສົມບູນ ແລະ ຫົວພັນ.
