ສປປ ລາວ ຍັງມີຜູ້ຕິດເຊື້ອພະຍາດໂຄວິດ-19 ລາຍວັນ ຊຶ່ງມື້ວັນທີ 2 ກໍລະກົດ 2021 ນີ້ ພົບວ່າມີຜູ້ຕິດເຊື້ອທັງໝົດ 32 ຄົນ ເພີ່ມຂຶ້ນ 12 ຄົນຖ້າທຽບໃສ່ຈຳນວນຜູ້ຕິດເຊື້ອເມື່ອວັນທີ 1 ກໍລະກົດທີ່ຜ່ານມາ ທີ່ມີຜູ້ຕິດເຊື້ອ 20 ຄົນ. ຈຳນວນຜູ້ຕິດເຊື້ອໃໝ່ດັ່ງກ່າວ ແມ່ນກວດພົບຈາກຜູ້ເຂົ້າ ຮັບການກວດຫາເຊື້ອທັງໝົດ 1.670 ຄົນ ເມື່ອວັນທີ 1 ກໍລະກົດທີ່ຜ່ານມາ ໃນຂອບເຂດທົ່ວປະເທດ, ໃນນັ້ນກວດພົບຢູ່ນະຄອນຫຼວງ 3 ຄົນ (ກໍລະນີນໍາເຂົ້າ), ແຂວງວຽງຈັນ 5 ຄົນ (ຕິດເຊື້ອຈາກຜູ້ຕິດເຊື້ອເກົ່າ), ຄໍາມ່ວນ 3 ຄົນ (ກໍລະນີນໍາເຂົ້າ), ສະຫວັນນະເຂດ 5 ຄົນ (ກໍລະນີນໍາເຂົ້າ), ສາລະວັນ 1 ຄົນ (ກໍລະນີນໍາເຂົ້າ) ແລະ ແຂວງ ຈໍາປາສັກ 15 ຄົນ (ກໍລະນີນໍາເຂົ້າ).
ມາຮອດປັດຈຸບັນນີ້, ຢູ່ ສປປ ລາວ ມີຜູ້ຕິດເຊື້ອສະສົມ ຈາກພະຍາດໂຄວິດ-19 ແລ້ວຈຳນວນ 2.176 ຄົນ, ໃນນີ້ ປິ່ນປົວຫາຍດີ 2.006 ຄົນ, ຍັງນອນປິ່ນປົວ 167ຄົນ ແລະ ເສຍຊີວິດ 3 ຄົນ, ທົ່ວປະເທດມີສູນຈໍາກັດບໍລິເວນຈຳນວນ 57 ແຫ່ງ, ມີຜູ້ຈໍາກັດບໍລິເວນທັງໝົດ 3.585 ຄົນ, ສະເພາະບ້ານ ແດງຢູ່ນະຄອນຫຼວງວຽງຈັນມີ 12 ບ້ານໃນ 6 ເມືອງ.
