ຄະນະສະເພາະກິດປ້ອງກັນ,ຄວບຄຸມ ແລະ ແກ້ໄຂການແຜ່ລະບາດຂອງພະຍາດ ໂຄວິດ-19 ໄດ້ຖະແຫຼງຂ່າວໃນວັນທີ 21ພຶດສະພາ 2021 ໃຫ້ຮູ້ວ່າ: ລາວກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ໃນມື້ວັນທີ 21 ພຶດສະພາ 2021 ນີ້ຈໍານວນ 12ຄົນໃນທົ່ວປະເທດ, ຜູ້ຕິດເຊື້ອໃໝ່ດັ່ງກ່າວຢູ່ນະຄອນຫຼວງວຽງຈັນ4 ຄົນ, ແຂວງສະຫວັນນະເຂດ 5ຄົນ, ແຂວງຈໍາປາສັກ 2 ຄົນ ແລະ ແຂວງ ອຸດົມໄຊ 1 ຄົນ.
ຮອດປັດຈຸບັນນີ້ສປປ ລາວມີຜູ້ຕິດເຊື້ອສະສົມຈາກພະຍາດໂຄວິດ-19 ແລ້ວຈໍານວນ 1.763 ຄົນ ໃນນີ້ປິ່ນປົວຫາຍດີ 800 ຄົນ ແລະ ເສຍຊີວິດ 2 ຄົນແລ້ວ, ຍັງນອນປິ່ນປົວຢູ່ໂຮງໝໍໃນຂອບເຂດທົ່ວປະເທດຈຳນວນ961 ຄົນ.
