ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການແຜ່ລະບາດ ຂອງພະຍາດໂຄວິດ-19 ແຈ້ງໃຫ້ຮູ້ໃນວັນທີ 25 ມິຖຸນາ 2021ນີ້ວ່າ: ມື້ນີ້ລາວກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ຈໍານວນ 14 ຄົນໃນຂອບເຂດທົ່ວປະເທດຈາກຜູ້ເຂົ້າຮັບການກວດຫາເຊື້ອ 1.159 ຄົນ ເມື່ອວັນທີ 24 ມິຖຸນາ 2021 ທີ່ຜ່ານມາ, ຜູ້ຕິດເຊື້ອໃໝ່ດັ່ງກ່າວແມ່ນຢູ່ນະຄອນຫຼວງວຽງຈັນ 3 ຄົນທີ່ເດີນທາງມາແຕ່ຕ່າງປະເທດ, ແຂວງສະຫວັນນະເຂດ 3 ຄົນ ແລະ ແຂວງຈໍາປາສັກ 8 ຄົນ ເປັນແຮງງານລາວທີ່ກັບ ຄືນມາປະເທດ. ໝາຍຄວາມວ່າມື້ນີ້ ສປປ ລາວບໍ່ພົບຜູ້ຕິດເຊື້ອຢູ່ ພາຍໃນປະເທດ ເພາະຈໍານວນຜູ້ຕິດເຊື້ອ 14 ຄົນດັ່ງກ່າວ ແມ່ນເດີນທາງມາແຕ່ຕ່າງປະເທດ.
ຮອດປັດຈຸບັນນີ້, ລາວພົບຜູ້ຕິດເຊື້ອສະສົມແລ້ວ 2.094 ຄົນ ໃນນີ້ປິ່ນປົວຫາຍດີແລ້ວ 1. 968 ຄົນ ຍັງນອນປິ່ນປົວຢູ່ 123 ຄົນ ແລະ ມີຜູ້ເສຍຊີວິດ 3 ຄົນ.
