ກຽມພົບກັບເທດສະການຮູບເງົາລາວ ທີ່ງານ “ຮູບເງົາບ້ານເຮົາ” ເຊິ່ງຈະຈັດຂຶ້ນທີ່ຫໍສະໝຸດມິດຕະພາບແຂວງຊຽງຂວາງ-ໂຮຈິມີນ ໃນວັນທີ 5-6 ມີນາ ນີ້ ເລີ່ມແຕ່ເວລາ 18 ໂມງ ຫາ 23 ໂມງ.
ຮູບເງົາທີ່ຈະນໍາໄປສາຍໃນງານດັ່ງກ່າວລວມມີ 4 ເລື່ອງ ເຊັ່ນ: ໄຂ່ຂວັນ, ນ້ອງຮັກ, ສຽງສຸດທ້າຍ ແລະ ນ້ອຍ.
ນອກຈາກຈະໄດ້ເບິ່ງຮູບເງົາດີໆ ຂອງປະເທດເຮົາແລ້ວ ຜູ້ຊົມຍັງຈະໄດ້ພົບປະແລກປ່ຽນກັບຜູ້ກຳກັບການສ້າງຮູບເງົາ, ຮຽນຖ່າຍທຳ ແລະ ຕັດຕໍ່ຮູບເງົາ ດ້ວຍໂທລະສັບມືຖື ໂດຍບໍ່ໄດ້ເສຍຄ່າໃດໆ.
ຜ່ານມາງານດັ່ງກ່າວໄດ້ຈັດຢູ່ທີ່ສວນເຈົ້າອານຸວົງ ນະຄອນຫຼວງວຽງຈັນ ໃນວັນທີ 26-27 ກຸມພາ ແລະ ຢູ່ແຂວງໄຊຍະບູລີ ໃນວັນທີ 1-2 ມີນາ.
ຂ່າວ ສີສຸພັນ ອຳພອນພົງ
ພາບ: ທິມງານຮູບເງົາບ້ານເຮົາ
