ທ່ານ ພອນປະເສີດ ທອງສີທາວົງ ຫົວໜ້າພະແນກກະສິກໍາ ແລະ ປ່າໄມ້ແຂວງອັດຕະປືໃຫ້ຮູ້ວ່າ: ປີ 2021 ນີ້ ຈະປູກຕົ້ນໄມ້ໃຫ້ໄດ້ໃນເນື້ອທີ່ 3.660 ເຮັກຕາ ເຊິ່ງປັດຈຸບັນການກຽມຄວາມພ້ອມດ້ານຕ່າງໆແມ່ນ ສໍາເລັດໄປແລ້ວເປັນສ່ວນໃຫຍ່ ເປັນຕົ້ນ: ສາມາດເກັບແກ່ນໄດ້ທັງໝົດ 460 ກິໂລ, ຜະລິດເບ້ຍໄມ້ໄດ້ 348.928 ເບ້ຍ. ສະເພາະວັນທີ 1 ມິຖຸນານີ້ ຊຶ່ງເປັນວັນປູກຕົ້ນໄມ້ແຫ່ງຊາດ, ທົ່ວແຂວງຈະໄດ້ຈັດພິທີປູກຕົ້ນໄມ້ໃຫ້ໄດ້ 633,5 ເຮັກຕາ ແລະ ໄດ້ມອບໃຫ້ຫ້ອງການກະສິກໍາ ແລະ ປ່າໄມ້ 5 ເມືອງ ສົມທົບກັບພາກສ່ວນຕ່າງໆ ເປັນເຈົ້າການຈັດຕັ້ງການປູກໄມ້ ໂດຍກໍານົດພື້ນ ທີ່ປູກທັງໃນ ແລະ ນອກ 3 ປະເພດປ່າ.
ທ່ານ ພອນປະເສີດໃຫ້ຮູ້ຕື່ມວ່າ: ອີງຕາມສະຖິຕິສໍາຫຼວດໃນປີ 2015 ແຂວງອັດຕະປື ມີເນື້ອທີ່ປ່າໄມ້ທັງໝົດ 828.082 ເຮັກຕາ ຫຼື ປະມານ 79,9% ຂອງເນື້ອທີ່ທົ່ວແຂວງ ຫຼື ປະມານ 6% ຂອງເນື້ອທີ່ປ່າໄມ້ ທົ່ວປະເທດ.
ຂໍ້ມູນ-ພາບ: ວັດທະນາ
