ໂຮງໜໍແຂວງຈຳປາສັກ ຮ່ວມກັບຊ່ຽວຊານຈາກກະຊວງສາທາລະນະສຸກ, ຊ່ຽວຊານແພດ ທີ່ມາຈາກ ສປ ຈີນ ແລະ ຊ່ຽວຊານຈາກອົງການອະນາໄມໂລກ ເມື່ອບໍ່ດົນມານີ້ ໄດ້ທຳການຕິດຕັ້ງປະກອບເຄື່ອງກວດຫາເຊື້ອພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ ໂຄວິດ-19 ທີ່ໂຮງໝໍແຂວງຈຳປາສັກ.
ອີງຕາມແຫຼ່ງຂໍ້ມູນຈາກໂຮງໝໍແຂວງຈໍາປາສັກ ເຄື່ອງກວດດັ່ງກ່າວ ເປັນເຄື່ອງໃຫຍ່ ທີ່ສາມາດກວດໄດ້ເຖີງ 92 ຕົວຢ່າງ ອ່ານຜົນພາຍໃນເວລາ 120 ນາທີ ຈະສາມາດຮອງຮັບຕົວຢ່າງທີ່ສົ່ງມາຈາກ 4 ແຂວງພາກໃຕ້ໄດ້ ເຊິ່ງມັນຈະສາມາດກວດຈຳນວນຫຼາຍ ແລະ ສະດວກໃນການສົ່ງຕົວຢ່າງ.
ການຕິດຕັ້ງເຄື່ອງກວດດັ່ງກ່າວ ແມ່ນເພື່ອເປັນການກຽມຄວາມພ້ອມໃນການກວດຫາເຊື້ອພະຍາດ ໂຄວິດ-19 ຢູ່ບັນດາແຂວງພາກໃຕ້ ໃຫ້ມີຄວາມທັນສະໄໝ ແລະ ວ່ອງໄວ ໃນການວິເຄາະ.
ຂ່າວ: ວຽງຈັນທາຍ
ພາບ: ໂຮງໝໍແຂວງຈໍາປາສັກ
