ຄະນະບໍລິຫານງານສູນກາງສະຫະພັນແມ່ຍິງລາວ ເນັ້ນໃຫ້ ສະຫະພັນແມ່ຍິງ ອົງການໄອຍະການປະຊາຊົນສູງສຸດເຮັດວຽກຕ້ອງມີແຜນການ, ມີຈຸດສຸມ ແລະ ມີການຕິດຕາມກວດກາ ແລະ ອື່ນໆ.
ສະຫະພັນແມ່ຍິງ ອົງການໄອຍະການປະຊາຊົນສູງສຸດ (ອອປສ) ໄດ້ເປີດກອງປະຊຸມໃຫຍ່ຄັ້ງທີ V ຂອງ ອອປສ ມື້ວານນີ້ ວັນທີ 23 ກໍລະກົດ ທີ່ສູນການຮ່ວມມືສາກົນ ແລະ ການຝຶກອົບຮົມ (ICTC), ພາຍໃຕ້ການເປັນປະທານຂອງ ສະຫາຍ ນາງ ພອນເພັດ ອຸ່ນແກ້ວ ຄະນະບໍລິຫານງານສູນກາງສະຫະພັນແມ່ຍິງລາວ ປະທານສະຫະ ພັນແມ່ຍິງ ອົງການໄອຍະການປະຊາຊົນສູງສຸດ.
ກອງປະຊຸມດັ່ງກ່າວໄດ້ພິຈາລະນາຄົ້ນຄວ້າ ແລະ ຮັບຮອງເອົາບົດລາຍງານການ ເມືອງຂອງຄະນະບໍລິຫານງານສະຫະພັນແມ່ຍິງ ອົງການໄອຍະການປະຊາຊົນສູງສຸດຄັ້ງທີ V ແລະ ທິດທາງແຜນການ 5 ປີຕໍ່ໜ້າ 2020-2024.
ສະຫາຍ ນາງ ບົວຈັນ ສີຫານາດ ໄດ້ກ່າວທີ່ກອງປະຊຸມ ໂດຍທ່ານໄດ້ເນັ້ນຫຼາຍບັນຫາທີ່ສຳຄັນ ໃຫ້ ອອປສ ເອົາໃຈໃສ່ຕື່ມເປັນຕົ້ນຕ້ອງໄດ້ ເພີ່ມທະວີການສຶກສາອົບ ຮົມການເມືອງ-ແນວຄິດໃຫ້ສະມາຊິກສະຫະພັນແມ່ຍິງ ແລະ ພະນັກງານ-ລັດຖະກອນ ໃນຂອບເຂດຄວາມຮັບຜິດ ຊອບຂອງຕົນຢ່າງເປັນປົກ ກະຕິ, ສະມາຊິກສະຫະພັນແມ່ຍິງທຸກສະຫາຍຕ້ອງຕັ້ງ ໜ້າຝຶກຝົນຫຼໍ່ຫຼອມຕົນເອງຢ່າງຮອບດ້ານ ດ້ວຍວິທີການຊອກຮູ້ຮໍ່າຮຽນຈາກປະສົບການ ຕົວຈິງ ແລະ ຮຽນຈາກສະຖາບັນຕ່າງໆ.
ສະຫາຍ ນາງ ບົວຈັນ ໄດ້ກ່າວຕື່ມວ່າ: ສະຫະພັນແມ່ຍິງທຸກສະຫາຍ ຕ້ອງເປັນເຈົ້າການໃນການ ຜັນຂະຫຍາຍເນື້ອໃນແຜນ ການເຄື່ອນໄຫວວຽກງານຂອງສະຫະພັນແມ່ຍິງເຂົ້າສູ່ການປະຕິບັດຕົວຈິງໃນຂົງເຂດວຽກງານທີ່ຕົນຮັບຜິດຊອບໃຫ້ມີຜົນສຳເລັດ, ເປັນເຈົ້າການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ຕິດພັນກັບຂະ ບວນການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ແລະ ການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ມີ 4 ຮັບປະກັນ ຂອງອົງການໄອຍະການປະຊາຊົນວາງອອກໃຫ້ປະກົດຜົນເປັນຈິງ.
ຂ່າວ-ພາບ: ອອປສ
