ຊາວພຸດຈໍານວນຫຼວງຫຼາຍໄດ້ພ້ອມໃຈກັນໄປຮ່ວມພິທີຕັກບາດເນື່ອງໃນງານບຸນນະມັດສະການພະທາດຫຼວງວຽງຈັນ ປະຈໍາປີ 2020 ໃນຕອນເຊົ້າຂອງມື້ວັນທີ 31 ຕຸລານີ້ ຊຶ່ງເປັນມື້ສຸດທ້າຍຂອງງານບຸນ, ໂດຍແຕ່ລະຄົນໄດ້ເອົາເຂົ້າໜົມ, ເຂົ້າຕົ້ມ ແລະ ສິ່ງຂອງອື່ນໆທີ່ກ່ຽວກັບການຕັກບາດມາຖະຫວາຍສັງຄະທານແດ່ພະສົງສາມະເນນຫຼາຍກວ່າ 100 ອົງ.
ໃນຕອນບ່າຍຂອງມື້ນີ້ ເວລາປະມານ 13 ໂມງ 00 ຈະມີພິທີແຫ່ລູກຄີ ແລະ ແຂ່ງຂັນປະເພນີຕີຄີລະຫວ່າງທີມປະຊາຊົນ ແລະ ທີມລັດຖະບານ ທີ່ເດີ່ນພະທາດຫຼວງ ແລະ ຈະມີພິທີວຽນທຽນໃນຕອນຄໍ່າ.
ຂ່າວ: ວຽງຈັນທາຍ
