Vientiane Times Lao
ການກໍ່ສ້າງເສັ້ນທາງຫາຖ້ຳຈອມອອງຈະແລ້ວທ້າຍເດືອນນີ້

ການກໍ່ສ້າງເສັ້ນທາງຫາຖ້ຳຈອມອອງຈະແລ້ວທ້າຍເດືອນນີ້

ໂຄງການກໍ່ສ້າງເສັ້ນທາງໄປຫາຖ້ຳຈອມອອງ ຈະໃຫ້ສໍາເລັດແນ່ນອນໃນທ້າຍເດືອນມີຖຸນາ ນີ້, ເຊິ່ງໂຄງການດັ່ງກ່າວໄດ້ເລີ່ມແຕ່ເດືອນ ກຸມພາ 2018 ແລະ ປະຈຸບັນສຳເລັດແລ້ວ 98%.

ທ່ານ ບຸນກວມ ມິດເມືອງໄຊ ຮອງຫົວໜ້າພະແນກ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງອຸດົມໄຊ ພ້ອມດ້ວຍຄະນະຮັບຜິດຊອບໂຄງການກໍ່ສ້າງເສັ້ນທາງດັ່ງກ່າວ ໄດ້ລົງຕິດຕາມ ກວດກາ ຫວ່າງບໍດົນມານີ້ ຄວາມຄືບໜ້າໂຄງການກໍ່ສ້າງເສັ້ນທາງ ແລະ ສິ່ງອຳນວຍຄວາມສະດວກໄປຫາຖ້ຳຈອມອອງ ໄດ້ລາຍງານເມື່ອບໍ່ດົນມານີ້ວ່າ: ໂຄງການດັ່ງກ່າວ ແມ່ນການກໍ່ສ້າງເສັ້ນທາງປູຢາງສອງຊັ້ນ ແຕ່ບ້ານຫ້ວຍອຸ່ນ ໄປຫາຖ້ຳຈອມອອງ ເຊິ່ງມີຄວາມຍາວທັງໝົດ 40 ກິໂລແມັດ, ພາຍຫຼັງສໍາເລັດທາງດັ່ງກ່າວ ແມ່ນຈະຊ່ວຍອໍານວຍຄວາມສະດວກໃຫ້ແກ່ການຂົນສົ່ງ ແລະ ການເຄື່ອນໄຫວຂອງນັກທ່ອງທ່ຽວໄປຫາຖໍ້າດັ່ງກ່າວ.

ສໍາລັບ ອ້ອມຂ້າງຖ້ຳຈອມອອງ ແມ່ນໄດ້ປັບປຸງສິ່ງອຳນວຍຄວາມສະດວກ ເຊັ່ນ: ໄຟຟ້າ, ຂັ້ນໄດ, ຮາວຈັບເຂົ້າຖໍ້າ, ຫ້ອງນໍ້າ, ຮ້ານອາຫານ ແລະ ອຶ່ນໆ ໄດ້ສໍາເລັດ 100% ແລ້ວ ເພື່ອກຽມພ້ອມບໍລິການນັກທ່ອງທ່ຽວພາຍໃນ ແລະ ຕ່າງປະເທດ.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ