ນັກລົງທຶນຈີນທີ່ໄປລົງທຶນປູກຢາງພາລາ ຢູ່ ເມືອງຊຽງຮ່ອນ ແຂວງໄຊຍະບູລີ ຈະສໍາປະທານດິນລັດໃນເນື້ອທີ່ 7,8 ເຮັກຕາຢູ່ບ້ານຄິ່ງ ເມືອງຊຽງຮ່ອນ (ຫ່າງຈາກບ້ານປະມານ 2 ກິໂລແມັດ) ເພື່ອຈະສ້າງໂຮງງານແປຮູບຢາງພາລາ ຊຶ່ງປັດຈຸບັນ, ທົ່ວເມືອງຊຽງຮ່ອນ ມີເນື້ອທີ່ປູກຢາງພາລາແລ້ວເກືອບ 5.000 ເຮັກຕາ, ໃນນັ້ນ ສາມາດກີດຢາງໄດ້ແລ້ວ 3.560 ເຮັກຕາ ແລະ ປູກໃໝ່ໃນປີ 2020-2021 ນີ້ມີ 220 ເຮັກຕາ.
ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ພ້ອມດ້ວຍຄະນະ ໄດ້ລົງກວດ ກາຈຸດທີ່ຈະກໍ່ສ້າງໂຮງງານດັ່ງກ່າວເມື່ອບໍ່ດົນມານີ້ ຊຶ່ງທ່ານໄດ້ກ່າວວ່າ: ການສ້າງໂຮງງານດັ່ງກ່າວຕ້ອງຮັບປະກັນຮັກສາສິ່ງແວດລ້ອມເປັນຫຼັກ, ຕ້ອງຮັບປະກັນບໍ່ໃຫ້ສົ່ງກິ່ນເໝັນ, ຕ້ອງມີໜອງບໍາບັດນໍ້າເປື້ອນ ສິ່ງສໍາຄັນຕ້ອງສົ່ງເສີມປະຊາຊົນທ້ອງຖິ່ນມີວຽກເຮັດງານທໍາ ແລະ ເກັບຊື້ຢາງພາລານໍາປະຊາຊົນໃນລາຄາທີ່ເໝາະສົມ.
ຂໍ້ມູນ: ອຸ່ນເຮືອນ
