ສະຫະພັນບານເຕະແຫ່ງຊາດລາວ (ສຕລ) ແຈ້ງໃຫ້ຊາບຫວ່າງບໍດົນມານີ້ວ່າ ການແຂ່ງຂັນບານເຕະ ຄອມມານໂດ ລາວລີກ 2 ປະຈຳປີ 2020 ກຽມເປີດສະໜາມແຂ່ງຂັນ ໃນວັນທີ 25 ກໍລະກົດ 2020.
ສະໂມສອນບານເຕະທີ່ເຂົ້າຮ່ວມການແຂ່ງຂັນ ຄອມມານໂດ ລາວລີກ 2 ແມ່ນໃຫ້ເລິ່ມລົງທະບຽນ ແຕ່ວັນທີ 17 ມິຖຸນາ 2020 ຫາ ວັນທີ 17 ກໍລະກົດ 2020 ນີ້, ເຊິ່ງຮູບແບບການແຂ່ງຂັນ ແມ່ນແຂ່ງຂັນແບບແບ່ງກຸ່ມ ແລະ ເຕະຄັດອອກແບບ 2 ນັດໄປ-ກັບໃນຮອບຮອງ (Championship Format), ສ່ວນການແຂ່ງຂັນຊີງອັນດັບທີ 3 ແລະ ຊີງຊະນະເລີດແມ່ນແຂ່ງຂັນແບບນັດດຽວ.
ສໍາລັບ ການແຂ່ງຂັນບານເຕະ ລາວລີກ 2 ຄັ້ງນີ້, ຄາດວ່າຈະມີສະໂມສອນບານເຕະ 14 ທີມເຂົ້າຮ່ວມແຂ່ງຂັນປະກອບມີ: ເຄວສ ຢູໄນເຕັດ, ທຣີນີຕີ ເອັຟຊີ, ແຄນລາວ ຢູໄນເຕັດ, ເອັສອີຊີ ຢູໄນເຕັດ, ເຄພີເອັສ ເອັຟຊີ, ລາວທ໋ອບ ເອັຟຊີ, ນະຄອນຫລວງ ເອັຟຊີ, ບີແຄນ ຢູໄນເຕັດ, ເຮັສບີທີ 941 ເອັຟຊີ, ກອງທັບ ເອັຟຊີ, ວຽງຈັນ ຢູໄນເຕັດ, ເອັສທີທີ ເອັຟຊີ, ກະຣຸດາ ເອັຟຊີ ແລະ ເມືອງຫາດ ຢູໄນເຕັດ.
ຂ່າວ: ວຽງຈັນທາຍ
ພາບ: ສຕລ
