Vientiane Times Lao
ບຸນກອງເຂົ້າໃຫຍ່ ແລະ ງານຕະຫຼາດນັດ ເມືອງສັງທອງ ມີຫຼາຍຢ່າງໜ້າສົນໃຈ

ບຸນກອງເຂົ້າໃຫຍ່ ແລະ ງານຕະຫຼາດນັດ ເມືອງສັງທອງ ມີຫຼາຍຢ່າງໜ້າສົນໃຈ

ເມືອງສັງທອງ ນະຄອນຫຼວງວຽງຈັນ ໄດ້ຈັດງານບຸນກອງເຂົ້າໃຫ່ຍ ແລະ ງານຕະຫຼາດນັດຂາຍສິນຄ້າ ຂື້ນທຸກໆປີ ເພື່ອປົກປັກຮັກສາ ແລະ ສົ່ງເສີມມູນເຊື້ອວັດທະນະທໍາ ຮີດຄອງປະເພນີ ອັນດີງາມຂອງຊາດລາວ ໂດຍສະເພາະ ປີນີ້ ງານດັ່ງກ່າວຈະໄດ້ຈັດຂື້ນລະຫວ່າງວັນທີ 16-23 ມັງກອນ 2020 ເຊິ່ງຈະມີຫຼາຍກິດຈະກໍາ ເພື່ອ ດຶງດູດນັກທ່ອງທ່ຽວ.

ສຳລັບມື້ເປີດງານວັນທີ 16 ມັງກອນ 2020 ຈະມີຫຼາຍກິດຈະກໍາ ປະກອບມີ ຂະບວນການຄາລາວານນຳທ່ຽວຈາກນະຄອນຫຼວວຽງຈັນ, ຂະບວນແຫ່ກ່ອນກຳລັງ ເພື່ອກ່າວເຂົ້າສູ່ພິທີງານບຸນກອງເຂົ້າໃຫຍ່ ແລະ ງານຕະຫຼາດນັດ ຂາຍສິນຄ້າ, ຜ່ານປະຫວັດຄວາມເປັນມາບຸນກອງເຂົ້າ, ພິທີສູດກອງເຂົ້າ ແລະ ສູ່ຂວັນກອງເຂົ້າ ພ້ອມທັງກິດຈະກຳຕ່າງໆເຊັ່ນ: ຟາດເຂົ້າ, ຕຳເຂົ້າ, ຫາບເຂົ້າ, ຊົມອຸປະກອນການຜະລິດ ແລະ ອື່ນໆ

ໃນນັ້ນວັນທີ 17-23 ມັງກອນ 2020 ຈະມີກິດຈະກຳເຊັ່ນ: ຊົມພິພິຕະພັນກອງເຂົ້າໃຫຍ່, ງານຕະຫຼາດນັດຂາຍສິນຄ້າ, ຄັດເລືອກງານສາວງາມເຂົ້າຫອມສັງທອງ, ແຂ່ງຂັນ ອາຫານພື້ນເມືອງ, ຊົມລາຍການກິລາມວນຊົນ (ກິລາຕີມວຍ), ຊົມການສະແດງຕະຫຼົກ ຈາກປະເທດໄທ, ຊົມການສະແດງສິລະປະຕ່າງໆຂອງ ເມືອງສັງທອງ, ສິລະປະຈາກສູນກາງ ແລະ ກິດຈະກໍາອື່ນໆ.

ຂ່າວ: ບົວຜັນ

Related Articles

Leave a Reply