Visit BigblueAgency
ປະຊາຊົນຍັງໃຊ້ທ່າເຮືອນ້ອຍລັກລອບນຳເຂົ້າສິນຄ້າທີ່ຜິດກົດໝາຍ ແລະ ການລັກລອບ ເຂົ້າເມືອງ ຢູ່ແຂວງສະຫວັນນະເຂດ

ປະຊາຊົນຍັງໃຊ້ທ່າເຮືອນ້ອຍລັກລອບນຳເຂົ້າສິນຄ້າທີ່ຜິດກົດໝາຍ ແລະ ການລັກລອບ ເຂົ້າເມືອງ ຢູ່ແຂວງສະຫວັນນະເຂດ

ອໍານາດການປົກຄອງແຂວງສະຫວັນນະເຂດແຈ້ງໃຫ້ຮູ້ວ່າ: ຢູ່ຕາມທ່າເຮືອນ້ອຍຕ່າງໆຢູ່ນະຄອນໄກສອນ ພົມວິຫານ ແຂວງສະຫວັນນະເຂດທີ່ຕັ້ງຢູ່ລຽບແຄມແມ່ນ້ຳຂອງເຊັ່ນ: ທ່າຈອມແກ້ວ, ທ່າດອນເຊັງ ແລະ ທ່າວຽງສະຫວັນ ຍັງມີປະກົດການລັກລອບນຳເຂົ້າສິນຄ້າທີ່ຜິດກົດໝາຍລວມເຖິງການລັກລອບເຂົ້າເມືອງແບບ ຜິດກົດໝາຍຂອງຄົນລາວທີ່ໄປເຮັດວຽກຢູ່ໄທ.

ທ່ານສັນຕິພາບ ພົມວິຫານ ເຈົ້າແຂວງ ສະຫວັນນະເຂດໄດ້ລົງສຳຫຼວດຢູ່ຈຸດທ່າເຮືອນ້ອຍດັ່ງກ່າວ ເມື່ອບໍ່ດົນມານີ້ ເພື່ອຊີ້ນໍາໃຫ້ເຈົ້າໜ້າທີ່ເພີ່ມມາດຕະການເຂັ້ມງວດໃນການສະກັດກັ້ນປະກົດການຫຍໍ້ທໍ້ດັ່ງກ່າວ ໂດຍເພີ່ມຄວາມເຂັ້ມງວດໃນການກວດ ກາລາດຕະເວນ.

ພ້ອມນີ້ທ່ານຍັງໄດ້ລົງຕິດຕາມສະພາບສູນຈໍາກັດບໍລິເວນຢູ່ສະໜາມກິລາຫຼັກ 4 ເພື່ອກວດກາເບິ່ງຄວາມພ້ອມໃນດ້ານຕ່າງໆໂດຍສະເພາະສະຖານທີ່ພັກເຊົາ ລວມເຖິງສິ່ງອຳນວຍຄວາມສະດວກຕ່າງໆຊຶ່ງປັດຈຸບັນນີ້ຍັງມີຄົນລາວທີ່ເດີນທາງມາແຕ່ຕ່າງປະເທດເຂົ້າມາຢູ່ສູນຈຳກັດບໍລີເວນຢ່າງຕໍ່ເນື່ອງ ຊຶ່ງໄດ້ເຮັດໃຫ້ສູນມີຄວາມແອອັດ, ໄຟຟ້າ, ນ້ຳປະປາກໍ່ຍັງບໍ່ພຽງພໍ, ຕໍ່ກັບບັນຫາດັ່ງກ່າວ ທ່ານເຈົ້າແຂວງໄດ້ເນັ້ນໃຫ້ພາກສ່ວນທີ່ກຽ່ວຂ້ອງປັບປຸງຢ່າງຮີບດ່ວນ.

ຂ່າວ-ພາບ: ສພຂ

Related Articles

Leave a Reply