Vientiane Times Lao
ປະຊາຊົນຫຼາຍພັນຄົນຮ່ວມໃສ່ບາດພະສົ່ງ 5 ແຜ່ນດິນ

ປະຊາຊົນຫຼາຍພັນຄົນຮ່ວມໃສ່ບາດພະສົ່ງ 5 ແຜ່ນດິນ

ປະຊາຊົນລາວໂດຍສະເພາະຊາວນະຄອນຫຼວງວຽງຈັນເກືອບ 5,000 ຄົນໄດ້ເຂົ້້າຮ່ວມໃສ່ບາດເຮັດບຸນໃນໂຄງການທຳມະຍາດຕຣາ 5 ແຜ່ນດິນ ເຊົ້າມື້ນີ້ 26/10/2019 ທີ່ວັດທາດຫຼວງ.

ປະຊາຊົນລາວເປັນຈຳນວນຫຼວງຫຼາຍທີ່ມີຄວາມເຫຼື້ອມໃສສັດທາຕໍ່ພະພຸດທະສາສະໜາ ໄດ້ເຂົ້າຮ່ວມພິທີດັ່ງກ່າວໃສ່ບາດໃຫ້ແກ່ພະສົ່ງຈຳນວນ 300 ອົງ ຈາກປະເທດ ກຳປູເຈຍ, ຫວຽດນາມ, ມຽນມາ, ໄທ ແລະ ລາວ ຕາມແຄມທາງຖະໜົນ 23 ສິງຫາ ຕໍ່ໜ້າສະຖານທູດຫວຽດນາມ ຈົນຮອດ ພະທາດຫຼວງ.

ນີ້ແມ່ນວິທີໜຶ່ງໃນການສົ່ງເສີມພະພຸດທະສາສະໜາໃນຂົງເຂດລຸ່ມແມ່ນ້ຳ ຂອງ ເຊິ່ງ 2,000 ກວ່າປີກ່ອນ ປະຊາຊົນ ກຳປູເຈຍ, ຫວຽດນາມ, ມຽນມາ, ໄທ ແລະ ລາວ ສະໄໝນັ້ນແມ່ນໄດ້ໃຫ້ຄວາມສັດທາໃນພະພຸດທະສາສະ ໜາເປັນຈຳນວນຫຼວງຫຼາຍ ເຮັດໃຫ້ສາສະໜາດັ່ງກ່າວໄດ້ມີຄວາມຮຸ່ງເຮືອງ ເຫຼືອງເຫຼື້ອມຫຼາຍ. ສະນັ້ນ, ໂຄງການດັ່ງກ່າວແມ່ນສົ່ງເສີມໃຫ້ສາສະໜາ ພຸດໃນປະຈຸບັນໃຫ້ມີຄວາມຮຸ່ງເຮືອງຄືສະໄໝກ່ອນ.

ໂຄງການດັ່ງກ່າວແມ່ນເລີ່ມຈາກປະເທດໄທ, ມຽນມາ ແລະ ລາວໃນຕອນ ເຊົ້າຂອງມື້ນີ້.

ຂ່າວ: ວຽງຈັນທາຍ

ພາບ: ບຸນແຜງ

Related Articles

Leave a Reply