Vientiane Times Lao
ພະແນກ ຍທຂ ນະຄອນຫຼວງ ສໍາເລັດປັບປຸງແຕ້ມເສັ້ນຈະລາຈອນ

ພະແນກ ຍທຂ ນະຄອນຫຼວງ ສໍາເລັດປັບປຸງແຕ້ມເສັ້ນຈະລາຈອນ

ພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ສໍາເລັດການແຕ້ມເສັ້ນແບ່ງຊ່ອງທາງ ຈລາຈອນ, ຂອບທາງ, ຕິດຕັ້ງປ້າຍຈລາຈອນ ແລະ ໄຟອໍານາດ ຢູ່ຕາມເສັ້ນທາງຫຼັກ ໃນນະຄອນຫຼວງວຽງຈັນ.

ທ່ານ ສີວອນ ຊັບທະວີ ຮອງຫົວໜ້າ ພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ລາຍງານຕໍ່ນັກຂ່າວວຽງຈັນທາຍ ວ່າ: ປະຈຸບັນໜ້າວຽກທັງໜົດແມ່ນສໍາເລັດແລ້ວ ແຕ່ກໍາລັງ ກວດກາຄືນແຕ່ລະໜ້າວຽກ.

ອີງຕາມຂໍ້ມູນຈາກພະແນກ ດັ່ງກ່າວລາຍງານວ່າ ວຽກປັບປຸງ, ແຕ້ມເສັ້ນຊ່ອງທາງຈລາຈອນ, ຂອບທາງ ແລະ ຕິດຕັ້ງ ປ້າຍຈລາຈອນ ແລະ ໄຟແດງ (ອໍານາດ) ແມ່ນເລີ່ມມາແຕ່ຕົ້ນປີນີ້ ແລະ ກໍານົດໃຫ້ສໍາເລັດໃນເດືອນ ພຶດສະພາ ແຕ່ຍ້ອນຖືກຜົນກະທົບຈາກການລະບາດຂອງພະຍາດໂຄວິດ-19 ເຮັດໃຫ້ໜ້າວຽກດັ່ງກ່າວ ມີຄວາມຫຼ້າຊ້າ ເຊິ່ງໜ້າວຽກດັງກ່າວແມ່ນຈັດ ຕັ້ງປະຕິບັດຢູ່ເສັ້ນທາງ ຫຼັກໃນນະຄອນຫຼວງ ເຊັ່ນ: ເສັ້ນທາງໄກສອນພົມວິຫານ, ໜອງບອນ, ສາມແສນໄທ, ເສດຖາທິລາດ, ເຈົ້າຟ້າງຸ່ມ, ສຸພານຸວົງ, ລ້ານຊ້າງ ແລະ ເສັ້ນທາງທ່າເດື່ອ.

ການປັບປຸງ, ແຕ້ມເສັ້ນຊ່ອງທາງຈລາຈອນ, ຂອບທາງ ແລະ ຕິດຕັ້ງປ້າຍ ແລະ ໄຟອໍານາດ ແມ່ນ ໄດ້ຮັບທຶນຈາກກອງທຶນທາງ ມູນຄ່າ 7.4 ຕື້ກີບ.

ຂ່າວ: ພ້ອມພົງ

ພາບ: ພ້ອມພົງ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ