Vientiane Times Lao
ສະຖານີໂດຍສານລົດໄຟລາວ-ຈີນຈຸດບ້ານໂຄກສະ ອາດຈະສ້າງສຳເລັດໃນເດືອນກັນຍາ 2021 ນີ້

ສະຖານີໂດຍສານລົດໄຟລາວ-ຈີນຈຸດບ້ານໂຄກສະ ອາດຈະສ້າງສຳເລັດໃນເດືອນກັນຍາ 2021 ນີ້

ບໍລິສັດທາງລົດໄຟລາວ-ຈີນໃຫ້​ຮູ້​ວ່າ: ໂຄງການກໍ່ສ້າງຈຸດສະຖານີໂດຍສານລົດໄຟລາວ-ຈີນ ນະຄອນ ຫຼວງວຽງຈັນ ບ້ານໂຄກສະອາດ ເມືອງ​ໄຊ​ທາ​ນີ ນະ​ຄອນ​ຫຼວງວຽງ​ຈັນ ຮອດປັດຈຸບັນ ສໍາເລັດແລ້ວ 70% ຊຶ່ງໜ້າ​ວຽກກໍາລັງ​ເລັ່ງຕົບແຕ່ງພາຍໃນ ແລະ ຄາດວ່າຈະໃຫ້ສໍາເລັດ 100% ໃນເດືອນກັນຍາ 2021 ນີ້ກ່ອນ​ທີ່​ຈະ​ມີ​ການ​ເປີດ​ນຳ​ໃຊ້​ຢ່າງ​ເປັນ​ທາງ​ການ​ໃນ​ທ້າຍ​ປີ 2021 ນີ້ ຖື​ວ່າ​ໜ້າ​ວຽກ​ມີ​ຄວາມ​ຊັກ​ຊ້າກວ່າ​ແຜນ​ການ​ຍ້ອນ​ໄດ້​ຮັບ​ຜົນ​ກະ​ທົບ​ຈາກ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຊຶ່ງ​ມີຄວາມຫຍຸ້ງຍາກໃນການນໍາເຂົ້າວິຊາການຕົບ ແຕ່ງພາຍໃນ ແລະ ນໍາເຂົ້າວັດສະດຸກົນຈັກຮັບໃຊ້ໃຫ້ແກ່ໂຄງການ.

ບໍລິສັດທາງລົດໄຟລາວ-ຈີນໃຫ້​ຮູ້ຕື່ມ​ອີກ​ວ່າ: ສະຖານີດັ່ງກ່າວນີ້ ເປັນຈຸດເຊື່ອມຕໍ່ໃສ່ທາງດ່ວນວຽງຈັນ ໝາຍເລກ 1 ໄປຕາມເສັ້ນທາງເລກທີ 13 ໃຕ້ ມີເນື້ອທີ່ທັງໝົດ 15.000 ຕາແມັດ, ໄດ້ລົງມືກໍ່ສ້າງໃນເດືອນກໍລະກົດ ປີ 2020 ເປັນຕົ້ນມາ ໄດ້ມີການຈັດສັນເປັນເຂດເພື່ອອໍານວຍຄວາມ ສະດວກໃຫ້ແກ່ລູກຄ້າທີ່ມາໃຊ້ບໍລິການ ໂດຍສະເພາະ ສະຖານທີ່ຈອດລົດ ໄດ້ແບ່ງເປັນ 2 ເຂດຄື: ສະຖານທີ່ຈອດລົດເມຈອດໄດ້ 20 ຄັນ ແລະ ບ່ອນຈອດລົດທົ່ວໄປຈອດໄດ້ 40 ຄັນ ແລະ ເຂດ​ບໍ​ລິ​ການ​ອື່ນໆ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ