ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ອອກແຈ້ງການເມື່ອວັນທີ 21 ຕຸລາ ທີ່ຜ່ານມາ ເຖິງບັນດາພາກສ່ວນທີ່ກ່ຽວຂ້ອງ ກະຊວງ ຖວທ ໃນການປຸກລະດົມ ຫຼື ປະກອບສ່ວນ ເຄື່ອງອຸປະໂພກ ແລະ ບໍລິໂພກ ເຊັ່ນ: ເຂົ້າສານ, ອາຫານແຫ້ງ, ນໍ້າດື່ມ ແລະ ເຄື່ອງໃຊ້ໃນຄົວເຮືອນ ຫຼື ເງິນເພື່ອຊື້ເຂົ້າສານ ເພື່ອໄປຊ່ວຍເຫຼືອຜູ້ປະສົບໄພທໍາມະຊາດ (ນໍ້າຖ້ວມ) ຢູ່ ແຂວງສະຫວັນນະເຂດ, ສາລະວັນ ແລະ ເຊກອງ ທີ່ໄດ້ຮັບຜົນກະທົບຈາກພະຍຸ ນັງກາ ໃນວັນທີ 17-19 ຕຸລາ 2020 ທີ່ຜ່ານມາ.
ຫຼັງຈາກທີ່ຮິບໂຮມໄດ້ແລ້ວໃຫ້ໄປມອບເຄື່ອງດັ່ງກ່າວໃຫ້ ສາມອົງການຈັດຕັ້ງ ມະຫາຊົນຂອງກະຊວງ ຖວທ ທີ່ເປັນຄະນະຮັບຜິດຊອບ ໃນລະຫວ່າງວັນທີ 23-24 ຕຸລາ ທີ່ກະຊວງ ຖວທ ນັບແຕ່ເວລາ 9 ໂມງ 00 ຫາ 16 ໂມງ 30 ຊຶ່ງຄະນະຮັບຜິດຊອບຈະໄດ້ຈັດເຄື່ອງບໍລິຈາກຕ່າງຂຶ້ນລົດ ແລະ ຈະອອກເດີນທາງໃນວັນທີ 26 ຕຸລາ ເພື່ອແຈກຢາຍເຄື່ອງດັ່ງກ່າວຊ່ວຍຜູ້ປະສົບໄພນໍ້າຖ້ວມໃນຄັ້ງນີ້.
ຂ່າວ: ວຽງຈັນທາຍ
