ອໍານາດການປົກຄອງ ເມືອງທຸລະຄົມ ແຂວງວຽງຈັນ ກໍາລັງກໍ່ສ້າງເສັ້ນທາງເວັ້ນ ເພື່ອໃຫ້ພາຫະນະສັນຈອນໄປໄດ້ເປັນປົກກະຕິ ຫຼັງຈາກທີ່ຂົວນໍ້າພະນາຍ ຢູ່ບ້ານເກີນ ເມືອງທຸລະຄົມ ແຂວງວຽງຈັນ ໄດ້ຫັກໃນເວລາປະມານ 8 ໂມງ ຂອງວັນທີ 2 ມິຖຸນາ 2020 ເຊິ່ງເກີດຈາກລົດບັນທຸກຂົນສົ່ງສິນຄ້າທີ່ມີນໍ້າໜັກເກີນກວ່າທີ່ຂົວດັ່ງກ່າວຈະຮັບນໍ້າໜັກໄດ້.
ຂົວດັ່ງກ່າວເປັນຂົວເຫຼັກ ທີ່ເຊື່ອມຕໍ່ມາແຕ່ເສັ້ນທາງ 13 ເໜືອ ເຂົ້າມານະຄອນຫຼວງວຽງຈັນ.
ທ່ານ ນາງ ວົງເດືອນ ວັດຕະໂສ ເຈົ້າເມືອງທຸລະຄົມ ແຂວງວຽງຈັນ ໄດ້ກ່າວຕໍ່ທີມຂ່າວວຽງຈັນທາຍ ມື້ເຊົ້ານີ້ວ່າ: ຜູ້ຂັບລົດຄັນດັ່ງກ່າວ ໄດ້ຮັບບາດເຈັບສົມຄວນ ແລະ ໄດ້ຖືກນໍາສົ່ງໄປປິ່ນປົວຢູ່ໂຮງໜໍ ເປັນທີ່ຮຽບຮ້ອຍແລ້ວ. ປັດຈຸບັນນີ້ ທາງເຈົ້າໜ້າທີ່ກ່ຽວຂ້ອງກໍາລັງສືບສວນຫາສາເຫດທີ່ເກີດຂຶ້ນ.
ຂ່າວ: ວຽງຈັນທາຍ
ພາບ: To Vongsamphanh