ທ່ານ ນາງ ເຕດາວັນ ແກ້ວພິລາວັນ ກຳມະການພັກແຂວງ ຫົວໜ້າພະແນກວັດທະນະທຳ ແລະ ການທ່ອງທ່ຽວແຂວງຈໍາປາສັກ ສປປ ລາວ ໄດ້ເຂົ້າຮ່ວມງານມະຫາກຳທ່ອງທ່ຽວອາຊຽນ ທີ່ຈັດຂຶ້ນໃນວັນ 30 ມັງກອນ 2026 ຢູ່ປະເທດພິລິບປິນ ເພື່ອເຂົ້າຮ່ວມຮັບລາງວັນ ມາດຕະຖານເມືອງທ່ອງທ່ຽວສະອາດອາຊຽນ ປີ 2026 – 2028 ທີ່ນະຄອນປາກເຊ ແຂວງຈໍາປາສັກ ໄດ້ຮັບ.
ນະຄອນປາກເຊ ແຂວງຈຳປາສັກ ເປັນ 1 ໃນ 4 ຕົວເມືອງ ຂອງ ສປປ ລາວ ທີ່ໄດ້ຮັບລາງວັນມາດຕະຖານເມືອງສະອາດອາຊຽນ ປີ 2026 – 2028. ນອກນີ້, ແຂວງຈຳປາສັກ ຍັງໄດ້ຮັບລາງວັນມາດຕະຖານໂຮງແຮມຂຽວອາຊຽນ 7 ແຫ່ງ ປະກອບມີ ໂຮງແຮມຈຳປາພາເລດ, ໂຮງແຮມປອນອາລິນາ, ໂຮງແຮມນາກະສັງພາລາໄດ,ໂຮງແຮມເດີຣິເວຍລາ, ໂຮງແຮມແສນສົດຊືນ, ຣິສອດຕາດຟານ, ຣິສອດທົ່ງຫວາຍໂຮມສະເຕ ແລະ ລາງວັນການທ່ອງທ່ຽວແບບຍືນຍົງອາຊຽນ1 ແຫ່ງ ຄື: ແຫຼ່ງທ່ອງທ່ຽວນໍ້າຕົກຕາດຟານ.
ຂໍ້ມູນ - ພາບ: ຂະແໜງທ່ອງທ່ຽວແຂວງ
