ສິ່ງທີ່ມີຊິວິດໃນປ່າ (ສັດປ່າ ແລະ ພຶດປ່າ) ເປັນແຫຼ່ງອາຫານ ແລະ ໂພສະນາການທີ່ສໍາຄັນ ພື້ນຖານອັນຈໍາເປັນສໍາລັບປະຊະຊົນບັນດາ ເຜົ່າໃນເຂດຊົນນະບົດ ແລະ ສິ່ງທີ່ມີຊິວິດໃນປ່າ ຍັງສະໜອງສິ່ງປຸກສ້າງ, ເປັນເຄື່ອງມື, ເຄື່ອງນຸ່ງຫົ່ມ ແລະ ຢາປົວພະຍາດໃຫ້ແກ່ປະຊາຊົນບັນດາເຜົ່າ.
ສໍາລັບ ບັນດາຄອບຄົວປະຊາຊົນຢູ່ເຂດຊົນນະບົດ, ການຊື້-ຂາຍ ຊິ້ນສ່ວນຕ່າງໆສັດປ່າ, ເຄຶ່ອງປ່າຂອງດົງ ແລະ ອື່ນໆ ເປັນກິດຈະກໍາຫຼັກຂອງຄອບຄົວ ເພື່ອສ້າງແຫຼ່ງລາຍຮັບໜຶ່ງ ແລະ ທ່າແຮງທີ່ສາມາດຕອບສະໜອງໄດ້ ກັບຄວາມຮຽກຮ້ອງຕ້ອງການທາງດ້ານເສດຖະກິດຂອງປະຊາຊົນບັນດາເຜົ່າ.
ອີງຕາມແຫຼ່ງຂໍ້ມູນຈາກກົມສົ່ງເສີມຄຸນນະພາບສິ່ງແວດລ້ອມກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ : ຄວາມອຸດົມສົມບູນຂອງສິ່ງທີ່ມີຊິວິດໃນປ່າ ຍັງເປັນພື້ນຖານຊຸກຍູ້ແຫຼ່ງທ່ອງທ່ຽວແບບອະນຸລັກທໍາມະຊາດ, ກາຍເປັນທ່າແຮງໃນການສ້າງລາຍຮັບໃຫ້ຄອບຄົວປະຊາຊົນຢູ່ເຂດຊົນນະບົດ ແລະ ປະກອບສ່ວນສໍາຄັນໃຫ້ແກ່ວຽກງານຄຸ້ມຄອງປາ່.
ຂ່າວ: ວຽງຈັນທາຍ
ຮູບ: ປະກອບ
