ສິລະປິນລາວ ທ່ານ ພົງສະຫວັນ ໄຊຍະວົງສ໌ ຈາກພີ ເອສ ໂປຣດັກເຊີນ ເຊີນຊວນແຟນເພງ ຕິດຕາມເພງໃໝ່ທີ່ມີຊື່ວ່າ ‘‘ວຽງຈັນ ສະຫວັນ ເມືອງລາວ’’ ເພື່ອສົ່ງເສີມເພງລາວ, ວັດທະນະທຳລາວ ແລະ ການທ່ອງທ່ຽວ ຊຶ່ງ ເປັນຜົນງານເພງຢູ່ໃນຊຸດທີ 3 ຂອງເພິ່ນ, ປະພັນໂດຍ ອາຈານ ພອນສະຫວັນ ພັນທະວິຈິດ (ພ. ພູຜາເໜືອ)
ທ່ານ ພົງສະຫວັນ ໄຊຍະວົງສ໌ ໄດ້ກ່າວວ່າ: ‘‘ວຽງຈັນ ສະຫວັນ ເມືອງລາວ’’ ມີແຮງບັນດານໃຈຈາກຄວາມມັກຮັກໃນການຮ້ອງເພງມາແຕ່ນ້ອຍ ແລະ ຢາກອະນຸລັກຈັງຫວະລໍາວົງລາວເຮົາໄວ້ຈຶ່ງໄດ້ເຮັດຜົນງານເພງນີ້ໃຫ້ເປັນຈັງຫວະລໍາວົງລາວ, ເພງນີ້ໄດ້ສ່ອງແສງເຖິງວັດທະນະທຳລາວເຮົາ ແລະ ແຫຼ່ງທ່ອງທ່ຽວທີ່ສວຍງາມຢູ່ໃນນະຄອນຫຼວງວຽງຈັນ ເພື່ອສື່ສານໄປຍັງຊາວໂລກ ໃຫ້ຮັບຮູ້ປະເທດລາວຫຼາຍຂຶ້ນ.
ຂ່າວ: ສີສຸພັນ ອຳພອນພົງ
ຮູບ: ພົງສະຫວັນ ໄຊຍະວົງສ໌
