Vientiane Times Lao
ພົບຫຼາຍໂຄງການລົງທຶນຂອງລັດມີມູນຄ່າສູງເກີນຄວາມເປັນຈິງ

ພົບຫຼາຍໂຄງການລົງທຶນຂອງລັດມີມູນຄ່າສູງເກີນຄວາມເປັນຈິງ

ທ່ານ ສົມດີ ດວງດີ ລັດຖະມົນຕີກະຊວງການເງິນ ໄດ້ກ່າວ ຢູ່ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງ ຊາດຊຸດທີ VIII ໃນບໍ່ດົນມານີ້ກ່ຽວກັບການຊັກຖາມຂອງສະ ມາຊິກສະພາແຫ່ງຊາດ ເລື່ອງການຈັດຕັ້ງປະຕິບັດດຳລັດ ວ່າດ້ວຍການປະຢັດ ແລະ ຕ້ານການຟຸມເຟືອຍວ່າ: ພຽງແຕ່ 2 ປີເທົ່ານັ້ນ (2017-2018) ກະຊວງການເງິນໄດ້ກວດພົບ 30 ໂຄງ ການລົງທຶນຂອງລັດທີ່ມີມູນຄ່າສູງເກີນຄວາມຈິງ ຈຶ່ງໄດ້ຕັດມູນຄ່າ ລົງທືນດັ່ງກ່າວລົງ ແລະ ສາມາດປະຢັດງົບປະມານຂອງລັດ ໄດ້ເຖິງ 3,5 ພັນຕື້ກວ່າກີບ.

ທ່ານ ສົມດີ ດວງດີ ກ່າວຕື່ມວ່າ: ການຈັດຕັ້ງປະຕິບັດດຳລັດ ວ່າດ້ວຍການປະຢັດ ແລະ ຕ້ານການຟຸມເຟືອຍ ສຳລັບຂະແໜງ ການເງິນໄດ້ປຸກລະດົມໃຫ້ປະຢັດ ກ່ຽວກັບການໃຊ້ນໍ້າປະປາ, ໄຟຟ້າ, ໂທລະສັບ ແລະ ເຄື່ອງໃຊ້ ຫ້ອງການອື່ນໆ ເຫັນວ່າສາ ມາດປະຢັດລາຍຈ່າຍໄດ້ຫຼາຍພໍສົມຄວນ ໂດຍສະເພາະຄ່າ ກະແສໄຟຟ້າສາມາດຫຼຸດລົງ ແລະ ອື່ນໆ. ເຖິງແມ່ນວ່າໄດ້ອອກນະໂຍບາຍ, ມະຕິຄຳສັ່ງ ແລະ ດຳລັດຫຼາຍ ສະບັບກ່ຽວກັບການຈັດຕັ້ງປະຕິບັດດຳລັດວ່າດ້ວຍການປະຢັດ ແລະ ຕ້ານການຟຸມເຟືອຍ ແຕ່ຢູ່ຫຼາຍຂະແໜງການໃນສູນກາງ ແລະ ທ້ອງຖິ່ນຍັງເຮັດບໍ່ທັນເລິກ ແລະ ບໍ່ຕໍ່ເນື່ອງ.

ຂ່າວ-ພາບ: ສົມພາວັນ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ