Vientiane Times Lao
ທາງການວັງວຽງຈະໃຊ້ມາດຕະການ ເດັດຂາດຕໍ່ຮ້ານອາຫານທີ່ມີລາ ຄາແພງເກີນຄວາມເປັນຈິງ

ທາງການວັງວຽງຈະໃຊ້ມາດຕະການ ເດັດຂາດຕໍ່ຮ້ານອາຫານທີ່ມີລາ ຄາແພງເກີນຄວາມເປັນຈິງ

ຄ່າອາຫານລາຄາແພງເປັນສາເຫດໜຶ່ງທີ່ເຮັດຫ້ຈຳນວນ ນັກທ່ອງທ່ຽວຫຼຸດ ລົງ ແລະ ກາຍເປັນປະເດັນໝຶ່ງທີ່ນັກ ທ່ອງທ່ຽວທັງພາຍໃນ ແລະ ຕ່າງປະ ເທດໄດ້ມີການຈົ່ມວ່າກັນຫຼາຍ ຍ້ອນວ່າອາຫານບໍ່ສົມກັບລາຄາ ເຊັ່ນ: ເຂົ້າຈ້າວຫຸງ 1 ໝໍ້ 50,000 ກີບ, ປິ້ງໄກ່ 1 ໂຕ 100,000 ກີບ, ເຂົ້າໜຽວນ້ອຍໜຶ່ງຕິບ 30,000ກີບ, ນ້ຳດື່ມໃຫຍ່ໜຶ່ງຕຸກ 10,000 ກີບ, ໝາກພ້າວໜຶ່ງໝ່ວຍ 15,000 ແລະ ອື່ນໆ.

ທ່ານ ຄຳຜອງ ດວງວິໄລ ເຈົ້າເມືອງ ເມືອງວັງວຽງ ໄດ້ໃຫ້ສຳພາດຕໍ່ນັກ ຂ່າວວຽງຈັນທາຍ ມື້ເຊົ້າວັນທີ 19 ພະຈິກ 2019 ກ່ຽວກັບການເລັ່ງ ແກ້ໄຂບັນຫາລາຄາອາຫານແພງຢູ່ ເມືອງວັງວຽງວ່າ: ເມືອງວັງວຽງຈະໃຊ້ ມາດຕະການເດັດຂາດຖ້າພົບເຫັນຜູ້ ປະກອບການຮ້ານອາຫານ, ຮ້ານກິນດື່ມ, ຮ້ານບັນເທີງ ໃນຂອບເຂດເມືອງທີ່ຂາຍປະເພດອາຫານ ແລະ ເຄື່ອງດື່ມລາຄາແພງ ເກີນຄວາມຈິງ ໂດຍເຈົ້າໜ້າທີ່ທີ່ກ່ຽວ ຂ້ອງຈະໄດ້ຕັກເຕືອນ ແລະ ຖ້າຮອດ ສາມຄັ້ງ ຈະໄດ້ສັ່ງປິດກິດຈະການຊົ່ວ ຄາວ ປະມານ 3-6 ເດືອນ ແລະ ຖ້າຮ້ານດັ່ງກ່າວຢາກເປີດກິດຈະການດັ່ງກ່າວນັ້ນຄືນອີກຕ້ອງໄດ້ຂຽນໃບສະເໜີມາຫາເມືອງ ເພື່ອອະນຸມັດ ໄປຕາມຂັ້ນຕອນໃໝ່. ລາຄາສິນຄ້າທີ່ແມ່ຄ້າຂາຍແພງຢູ່ເມືອງວັງວຽງທີ່ພົບເຫັນປະກອບມີ ເຄື່ອງ ດື່ມ, ອາຫານປະເພດຕ່າງໆ, ໝາກໄມ້ ສ່ວນຫຼາຍແມ່ນປະກົດເຫັນຢູ່ຕາມ ແຫຼ່ງທ່ອງທ່ຽວຕ່າງໆ.

ທ່ານ ຄຳຜອງ ດວງວິໄລໄດ້ກ່າວຕື່ມ ວ່າ: ນອກຈາກມາດຕະການຂ້າງເທິງ ແລ້ວ ທາງເມືອງກໍ່ໄດ້ຊີ້ນຳໃຫ້ຫ້ອງ ການການຄ້າເມືອງ ລົງໄປຕິດຕາມສະ ພາບລາຄາສິນຄ້າ. ນອກນັ້ນຍັງໄດ້ສ້າງຕັ້ງກຸ່ມຮ້ານອາ ຫານ, ຮ້ານບັນເທິງ ແລະ ຮ້ານເຄື່ອງ ດື່ມ ຊຶ່ງການຕັ້ງກຸ່ມດັ່ງກ່າວນີ້ ຈະສາ ມາດກວດສອບໄດ້ງ່າຍວ່າ ຮ້ານດ ຫຼື ນິຕິບຸກຄົນດທີ່ຂາຍລາຄາສິນຄ້າແພງເກີນຄວາມເປັນຈິງ. ປັດຈຸບັນຈຳນວນ ນັກທ່ອງທ່ຽວເລີ່ມມີທ່າອ່ຽງເພີ່ມຂຶ້ນ ແລ້ວ ໂດຍສະເພາະແມ່ນນັກທ່ອງ ທ່ຽວຈາກປະເທດ ເກົາຫຼີ, ຈີນ, ໄທ ແລະ ນັກທ່ອງທ່ຽວຈາກບັນດາປະ ເທດຢູ່ເອີລົບ. ເພື່ອເປັນການດຶງດູດ ນັກທ່ອງທ່ຽວ ຕົ້ນເດືອນໜ້າທາງ ເມືອງຈະໄດ້ຈັດຄອນເສີດ ໂດຍຈະ ມີນັກຮ້ອງລາວ ແລະ ຕ່າງປະເທດ ເຂົ້າຮ່ວມ.

ຂ່າວ-ພາບ: ສົມພາວັນ 

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ