ຂະແໜງທ່ອງທ່ຽວ 6 ແຂວງພາກກາງ ປະກອບມີ: ນະຄອນຫຼວງວຽງຈັນ, ແຂວງວຽງຈັນ, ໄຊສົມບູນ, ບໍລິຄໍາໄຊ, ຄໍາມ່ວນ ແລະ ແຂວງສະຫວັນນະເຂດ ກຽມຈັດກິດຈະກຳສົ່ງເສີມການທ່ອງທ່ຽວໃນໄລຍະປີ 2021-2023 ເພື່ອຟື້ນຟູການທ່ອງທ່ຽວທີ່ໄດ້ຮັບຜົນກະທົບຈາກ ການແຜ່ລະບາດພະຍາດໂຄວິດ-19, ໂດຍໄດ້ກຳນົດວຽກງານທ່ອງທ່ຽວ 8 ກິດຈະກໍາ, ວຽກງານໂຄສະນາການທ່ອງທ່ຽວ ມີ 14 ກິດຈະກຳ, ວຽກງານຄຸ້ມຄອງການ ທ່ອງທ່ຽວ 25 ກິດຈະກຳ, ວຽກງານພັດທະນາບຸກຄະລາກອນການທ່ອງທ່ຽວ 8 ກິດຈະກຳ ແລະ ກິດຈະກໍາອື່ນໆ.
ກອງປະຊຸມປຶກສາຫາລືກ່ຽວກັບແຜນການສົ່ງເສີມການທ່ອງທ່ຽວດັ່ງກ່າວ ຊຶ່ງເປັນຄັ້ງທີ X, ໄດ້ຈັດຂຶ້ນໃນລະຫວ່າງວັນທີ 16-17 ກຸມພາ 2021 ຜ່ານມານີ້ ທີ່ສະໂມສອນເມືອງອານຸວົງ ແຂວງໄຊສົມບູນ. ສະເພາະກິດຈະກໍາສົ່ງເສີມການທ່ອງທ່ຽວຢູ່ 6 ແຂວງພາກກາງສໍາລັບ ປີ 2021-2023 ຈະເນັ້ນໃສ່ ການພັດທະນາຟື້ນຟູດ້ານເສດຖະກິດດ້ານການທ່ອງທ່ຽວ, ຟື້ນຟູຄວາມເຊື່ອໝັ້ນຂອງນັກທ່ອງທ່ຽວທັງພາຍໃນ ແລະ ຕ່າງປະເທດ, ປັບປຸງພື້ນຖານໂຄງລ່າງສະຖານທີ່ທ່ອງທ່ຽວ, ເລັ່ງໂຄສະນາການທ່ອງທ່ຽວ ໂດຍການກໍານົດຕະຫຼາດເປົ້າໝາຍຄືນໃໝ່ ໂດຍສຸມໃສ່ໂຄສະນາດ້ວຍລະບົບເຕັກໂນໂລຊີ ແລະ ການຮ່ວມມືລະຫວ່າງພາກລັດ-ທຸລະກິດ ແລະ ປະຊາຊົນທ້ອງຖິ່ນ.
ຂ່າວ: ວຽງຈັນທາຍ
ຮູບ: ປະກອບ
