ການຄ້າຂາຍຢາເສບຕິດ ຢູ່ ສປປ ລາວ ຍັງແກ້ໄຂບໍ່ຕົກ ແລະ ມີທ່າທີຈະເພີ່ມຂຶ້ນເລື້ອຍໆເຖິງແມ່ນວ່າເຈົ້າໜ້າທີ່ສະເພາະກິດຈະມີການຈັບ, ຢຶດ ແລະ ມີມາດຕະການຕ່າງໆເພື່ອແກ້ໄຂບັນຫາດັ່ງກ່າວກໍ່ຕາມ ທ່ານພົນຈັດຕະວາ ສົມມະນີ ໄຊຍະພັນ ຫົວໜ້າ ຫ້ອງການກະຊວງປ້ອງກັນຄວາມສະຫງົບໄດ້ລາຍງານທີ່ ກອງປະຊຸມສະຫຼຸບກ່ຽວກັບການປະຕິບັດງານດ້ານຄວາມປອດໄພໃນປີ 2020 ທີ່ໄດ້ຈັດຂຶ້ນເມື່ອບໍ່ດົນມານີ້. ທ່ານກ່າວຕື່ມວ່າ: ປີ 2020 ນີ້ທົ່ວປະເທດມີຄະດີທີ່ເກີດຂຶ້ນທັງໝົດ 6.209 ຄະດີ ຊຶ່ງຄະດີກ່ຽວກັບການຄ້າ-ຂາຍຢາເສບຕິດ ແມ່ນມີຫຼາຍທີ່ສຸດໂດຍມີການກະທຳຜິດທັງໝົດ 3.519 ຄະດີ. ນອກຈາກນີ້, ຄະດີອາຍາ 311 ຄະດີທີ່ກ່ຽວຂ້ອງກັບການເງິນ (ຄະດີເສດຖະກິດ), ໃນຂະນະທີ່ 153 ຄະດີແມ່ນກ່ຽວຂ້ອງກັບການລັກຊັບຜົນລະເມືອງ ແລະ ຄະດີອາຍາອື່ນໆ.
ທ່ານພົນຈັດຕະວາ ສົມມະນີ ໄດ້ກ່າວຕື່ມວ່າ: ໃນຈໍານວນຄະດີດັ່ງກ່າວ, ເຈົ້າໜ້າທີ່ຕຳຫຼວດສາມາດແກ້ໄຂຄະດີອາຍາໄດ້ທັງ 5,191 ຄະດີ ແລະ ຈັບກຸມພົນລະເມືອງທີ່ເຮັດຜິດກົດໝາຍໄດ້ 7.674 ຄົນ (ຍິງ 999 ຄົນ) ພ້ອມທັງຄົນຕ່າງປະເທດ 117 ຄົນ ( ຍິງ 14 ຄົນ). ສະເພາະຄະດີທີ່ກ່ຽວກັບຢາເສບຕິດ, ເຈົ້າໜ້າທີ່ຕຳຫຼວດໄດ້ຈັບກຸມຜູ້ກະທໍາຜິດໄດ້ 4.984 ຄົນ, ຢຶດຢາບ້າ ຈຳນວນ 1.617 ກິໂລ, ເຮໂຣອິນ 380,67 ກິໂລ, ກັນຊາ 4.400,10 ກິໂລ, ຝິ່ນ 55,73 ກິໂລ, ຢາໄອສ໌ 3.476,93 ກິໂລ ແລະ ຝຸ່ນແປ້ງ 9,8 ກິໂລ. ນອກນັ້ນຍັງໄດ້ຍຶດລົດໃຫຍ່ 145 ຄັນ, ລົດຈັກ 715 ຄັນ, ເຮືອ 2 ລໍາ, ປືນ 92 ກະບອກ, ແລະ ເຄື່ອງຂອງອື່ນໆຈາກຜູ້ຄ້າຂາຍ ແລະ ຜູ້ຄ້າຂາຍ.
ຂ່າວ: ວຽງຈັນທາຍ
