ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ນະຄອນຫຼວງວຽງຈັນໃຫ້ຮູ້ວ່າ: ຈະເລີ່ມສັກຢາວັກຊີນຕ້ານພະຍາດໂຄວິດ-19 ເຂັມທີ 1 ຊະນິດວັກຊີນຟາຍເຊີ (Pfizer BioNTech) ຢູ່ ນະຄອນ ຫຼວງວຽງຈັນ (ນວ) ເລີ່ມແຕ່ວັນທີ 15 ມິຖຸນາ 2021 ເປັນຕົ້ນໄປ ຊຶ່ງຈະສັກໃຫ້ ກຸ່ມເປົ້າ ໝາຍບຸລິມະສິດທີ່ມີອາຍຸ 60 ປີຂຶ້ນໄປ ແລະ ຜູ້ມີພະຍາດປະຈໍາຕົວເສຍກ່ອນ ແລະ ຈະສືບຕໍ່ສັກໃຫ້ກຸ່ມບູລິມະສິດອື່ນໆຕາມພາຍຫຼັງ.
ວັກຊີນຟາຍເຊີ ເປັນວັກຊີນກັນພະຍາດໂຄວິດ-19 ຊຸດໃໝ່ຈາກໂຄງການການຮ່ວມມືເພື່ອວັກ ຊີນກັນພະຍາດໂຄວິດ-19 (COVAX Facility) ຈຳນວນ 100.620 ໂດສ ໄດ້ມາຮອດ ລາວເມື່ອວັນທີ 2 ມິຖຸນາ 2021 ທີ່ຜ່ານມາຊຶ່ງວັກຊີນຊະນິດດັ່ງກ່າວນີ້ຈະສັກໃຫ້ສະເພາະ 3 ກຸ່ມຄື: ກຸ່ມຜູ້ມີອາຍຸ 60 ປີ ຂື້ນໄປ ແລະ ຜູ້ທີ່ມີພະຍາດປະຈຳຕົວ, ຜູ້ທີ່ມີພະຍາດປະຈຳຕົວອາຍຸ 18 ປີ ຂຶ້ນໄປ ແລະ ກຸ່ມ ພະນັກງານແພດ ຫຼື ພະນັກງານດ່ານໜ້າ ທີ່ຍັງບໍ່ທັນໄດ້ສັກວັກຊີນ.
ວັກຊີນຟາຍເຊີເປັນວັກຊີນທີ່ບໍ່ສາມາດສັກປົນກັບວັກຊີນຊະນິດອື່ນໄດ້, ດັ່ງນັ້ນ 3 ກຸ່ມບູລິມະສິດດັ່ງກ່າວຕ້ອງເປັນຜູ້ທີ່ບໍ່ເຄີຍສັກວັກຊີນກັນພະຍາດໂຄວິດ-19 ໃດໜຶ່ງມາກ່ອນ.
