ສປປ ລາວ ຍັງກວດພົບຜູ້ຕິດເຊື້ອພະຍາດໂຄວິດ-19 ເປັນຈໍານວນຫຼາຍ ແລະ ຕົວເລກຜູ້ຕິດເຊື້ອໄດ້ເພີ່ມຂຶ້ນ ໃນແຕ່ລະວັນ, ສະເພາະວັນທີ 7 ກໍລະກົດ 2021 ໄດ້ ກວດພົບຜູ້ຕິດເຊື້ອເພີ່ມໃໝ່ເຖິງ 69 ຄົນ ຈາກການເກັບ ຕົວຢ່າງກວດຫາເຊື້ອຈໍານວນ1.610 ຄົນໃນຂອບເຂດ ທົ່ວປະເທດ. ຜູ້ຕິດເຊື້ອໃໝ່ດັ່ງກ່າວແມ່ນຢູ່ແຂວງຫຼວງນໍ້າທາ 1 ຄົນ (ຕິດເຊື້ອຈາກຜູ້ຕິດເຊື້ອເກົ່າ), ຄໍາມ່ວນ 3 ຄົນ (ກໍລະນີນໍາເຂົ້າ), ສະຫວັນນະເຂດ 30 ຄົນ (ກໍລະນີນຳເຂົ້າ) ແລະ ແຂວງ ຈໍາປາສັກ 35 ຄົນ ( ກໍລະນີນໍາເຂົ້າ).
ຮອດປັດຈຸບັນນີ້, ສປປ ລາວ ມີຜູ້ຕິດເຊື້ອສະສົມແລ້ວ 2.469 ຄົນ, ປິ່ນປົວຫາຍດີ 2.076 ຄົນ, ຍັງນອນປິ່ນ ປົວ 390 ຄົນ ແລະ ເສຍຊີວິດ 3 ຄົນ. ທົ່ວປະເທດຍັງມີ 49 ສູນຈໍາກັດບໍລິເວນ ໂດຍມີຜູ້ຈໍາກັດບໍລິເວນທັງໝົດ 5.004 ຄົນ.
