ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດ ໂຄວິດ-19 ແຈ້ງໃຫ້ຮູ້ວ່າ: ໃນວັນທີ11 ກໍລະກົດ 2021ນີ້ ສປປ ລາວກວດພົບຜູ້ຕິດເຊື້ອພະຍາດດັ່ງກ່າວເພີ່ມທັງໝົດ 89 ຄົນ ໃນນັ້ນກວດພົບຜູ້ຕິດເຊື້ອຢູ່ ນະຄອນຫຼວງວຽງຈັນ 17 ຄົນ (ກໍລະນີນຳເຂົ້າ), ແຂວງວຽງຈັນ 2 ຄົນ, (ຕິດເຊື້ອໃນຊຸມຊົນ), ຄຳມ່ວນ 3 ຄົນ (ກໍລະນີນຳເຂົ້າ), ຫຼວງນ້ຳທາ 1 ຄົນ (ຕິດເຊື້ອໃນຊຸມຊົນ) ສະຫວັນນະເຂດ 27 ຄົນ (ກໍລະນີນຳເຂົ້າ) ແລະ ແຂວງຈຳປາສັກ 39 (ກໍລະນີນຳເຂົ້າ).
ຮອດປັດຈຸບັນນີ້, ສປປ ລາວ ມີຜູ້ຕິດເຊື້ອສະສົມ 2.719 ຄົນ, ໃນນີ້ປິ່ນປົວຫາຍດີ 2.205 ຄົນ, ຍັງນອນປິ່ນປົວ511 ຄົນ ແລະ ເສຍຊີວິດ 3 ຄົນ, ໂດຍມີສູນຈຳກັດບໍລິເວນ 49 ແຫ່ງໃນຂອບເຂດທົ່ວປະເທດ ລວມມີຜູ້ຈຳກັດບໍລິເວນ 5.407 ຄົນ, ສະເພາະບ້ານແດງຢູ່ນະຄອນຫຼວງວຽງຈັນຍັງມີພຽງ 2 ບ້ານແດງຄື: ບ້ານ ໂນນສະອາດ ເມືອງ ໄຊທານີ ແລະ ບ້ານສີເກີດ ເມືອງນາຊາຍທອງ.
