ບໍລິສັດ ຫຸ້ນສ່ວນກະສິກຳ ແລະ ຜະລິດກາເຟ ບໍລະເວນປາກຊ່ອງຈໍາກັດ (ບໍລິສັດ ຫວຽດນາມ) ສົນໃຈລົງທຶນກາເຟ, ປູກແມັກຄາເດເມຍ, ປູກມອນ ແລະ ຖົ່ວລຽນໃນເນື້ອທີ່ 150 ເຮັກຕາ ຢູ່ເຂດບ້ານພະຫວນດົງ ເມືອງປາກຊ່ອງ ແຂວງຈຳປາສັກແຕ່ຍັງຢູ່ໃນຂັ້ນຕອນສຶກສາ ແລະ ສໍາຫຼວດຄວາມເປັນໄປໄດ້ໂດຍຈະໃຊ້ເວລາ 12 ເດືອນ.
ພິທີເຊັນບົດບັນທຶກຄວາມເຂົ້າໃຈ ວ່າດ້ວຍການສຶກສາ ແລະ ສໍາຫຼວດຄວາມເປັນໄປໄດ້ ໃນໂຄງການດັ່ງກ່າວໄດ້ຈັດຂຶ້ນເມື່ອມໍ່ໆມານີ້ທີ່ແຂວງຈຳປາສັກ. ຕາງໜ້າລົງນາມໂດຍ ທ່ານ ບຸນມີ ຄຳພິທູນ ຄະນະຫ້ອງການຄະນະກຳມະການສົ່ງເສີມ ແລະ ຄຸ້ມຄອງການລົງທຶນແຂວງຈຳປາສັກ ແລະ ທ່ານ ຫງວຽນ ວັນ ຮຸ່ງ ອໍານວຍການບໍລິສັດ ຫຸ້ນສ່ວນກະສິກຳ ແລະ ຜະລິດກາເຟ ບໍລະເວນ ປາກຊ່ອງ ຈຳກັດ.
ແຫຼ່ງຂໍ້ມູນຂ່າວ: ທູນທອງໃຈ
