ກອງກວດກາອາຫານ ແລະ ຢາ ນະຄອນຫຼວງວຽງຈັນ ໄດ້ ທຳລາຍສິນຄ້າ ປະເພດອາຫານ, ຢາ ແລະ ຜະລິດຕະພັນການແພດທີ່ຕ້ອງຫ້າມ ເມື່ອມໍ່ໆມານີ້ ຢູ່ທີ່ສະໜາມຂີ້ເຫຍື້ອ ຫຼັກ 32 ນະຄອນຫຼວງວຽງຈັນ ລວມມີ 212 ລາຍການ, ໃນນັ້ນ ປະເພດຢາ 58 ລາຍການ, ອາຫານ 4 ລາຍການ, ອາຫານເສີມ 17 ລາຍການ, ອຸປະກອນການແພດ 13 ລາຍການ, ເຄື່ອງສຳອາງ 111 ລາຍການ, ຢາພື້ນເມືອງ 5 ລາຍການ, ເຄມີ 4 ລາຍການ ລວມເປັນມູນຄ່າຫຼາຍກວ່າ 1,5 ຕື້ກີບ
ສິນຄ້າຈຳນວນນີ້ ແມ່ນໄດ້ສະສົມ ແລະ ຮີບໂຮມມາຈາກການລົງເຄື່ອນໄຫວວຽກງານຂອງເຈົ້າໜ້າທີ່ ອາຫານ ແລະ ຢາ ມາແຕ່ໄລຍະປີ 2021-2025 ແລະ ເປັນສິນຄ້າ ທີ່ນຳເຂົ້າບໍ່ຖືກຕ້ອງ, ບໍ່ໄດ້ຮັບອະນຸຍາດຈາກກົມອາຫານ ແລະ ຢາ.
