ກະຊວງໂຍທາທິການ ແລະ ຂົນສົ່ງ ມີແຜນເພີ່ມງົບປະມານກອງທຶນທາງ ຈາກ 1,200 ຕື້ກີບ ໃນປີ 2026 ເປັນ 2,000 ຕື້ກີບ ໃນປີ 2027, ເພື່ອເລັ່ງສ້ອມແປງ ແລະ ຍົກລະດັບມາດຕະຖານຖະໜົນຫົນທາງໃນທົ່ວປະເທດ.
ແຜນງານດັ່ງກ່າວໄດ້ປືກສາຫາລືກັນໃນກອງປະຊຸມໜ່ວຍງານຂະແໜງການພື້ນຖານໂຄງລ່າງ ຄັ້ງທີ 17 ຮ່ວມກັບບັນດາຄູ່ຮ່ວມພັດທະນາ ເພື່ອຫາລືແນວທາງຮັບມືກັບບັນຫາດ້ານໂຄງລ່າງຂອງປະເທດ ໃນວັນທີ 9 ພະຈິກ 2026 ຜ່ານມາ, ເປັນປະທານກອງປະຊຸມໂດຍ ທ່ານ ເຫຼັກໄຫຼ ສີວິໄລ ລັດຖະມົນຕີ ກະຊວງ ຍທຂ.
ໃນປີ 2026 ໄພພິບັດໃນລະດູຝົນໄດ້ສ້າງຄວາມເສຍຫາຍຕໍ່ໂຄງລ່າງຫຼາຍກວ່າ 923 ຕື້ກີບ ນອກຈາກນີ້ຍັງມີບັນຫາລົດບັນທຸກນ້ຳໜັກເກີນ ເຊິ່ງເປັນອີກສາເຫດໜຶ່ງທີ່ສົ່ງຜົນຕໍ່ສະພາບຖະໜົນ, ອີ່ງຕາມຂໍ້ມູນຈາກ ກະຊວງ ຍທຂ.
ສຳລັບງົບປະມານ 2,000 ຕື້ກີບໃນປີ 2027 ຈະແບ່ງອອກເປັນ 2 ສ່ວນສຳຄັນ ຄື 40% ສຳລັບການສ້ອມແປງຖະໜົນໃຫ້ສາມາດສັນຈອນໄດ້ສະດວກ ແລະ ອີກ 60% ສຳລັບການຍົກລະດັບມາດຕະຖານຖະໜົນ ໃຫ້ຮອງຮັບນ້ຳໜັກໄດ້ 11 ໂຕນຕໍ່ເພົາ.
ທີ່ມາ: ກະຊວງ ຍທຂ
