ພະແນກວິທະຍາສາດ ແລະ ເຕັກໂນໂລຊີ ແຂວງສະຫວັນນະເຂດ ຈະຈັດການແຂ່ງຂັນການອອກແບບຫໍພິພິທະພັນໄດໂນເສົາ ແລະ ການຕົບແຕ່ງຕຶກຫໍພິພິທະພັນ ເພື່ອກຽມຄັດເລືອກເອົາແບບທີ່ຈະມາປັບປຸງ ແລະ ຕົບແຕ່ງຫໍພິພິທະພັນດັ່ງກ່າວໃນອະນາຄົດ.
ພະແນກວິທະຍາສາດ ແລະ ເຕັກໂນໂລຊີ ແຂວງສະຫວັນນະເຂດໄດ້ອອກແຈ້ງການເຖິງບໍລິສັດກໍ່ສ້າງເຄຫາສະຖານຕ່າງໆ ທີ່ມີຄວາມສົນໃຈກ່ຽວກັບການແຂ່ງຂັນດັ່ງກ່າວ ເມື່ອ ບໍ່ດົນມານີ້ ຊຶ່ງລາງວັນຊະນະເລີດອັນດັບທີ 1 ຈະໄດ້ຮັບເງິນສົດ 10 ລ້ານກີບ, ອັນດັບ 2 ເງິນສົດ 4 ລ້ານກີບ.
ລາຄາຊອງໃນການແຂ່ງຂັນອອກແບບຄັ້ງນີ້ແມ່ນ 250.000 ກີບ ຊຶ່ງເລີ່ມຂາຍແຕ່ວັນທີ 5 – 22 ຕຸລາ 2020 ນີ້ ແລະ ຈະມີການປິດຍື່ນຊອງປະມູນໃນວັນທີ 13 ພະຈິກ 2020 ທີ່ຈະມາເຖິງ ແລະ ຈະປະກາດຜົນຮັບຮອງເອົາແບບພາຍໃນ 2 ອາທິດຫຼັງຈາກປິດຮັບຊອງປະມູນ.
ເງື່ອນໄຂຂອງບໍລິສັດກໍ່ສ້າງເຄຫາສະຖານທີ່ສາມາດເຂົ້າຮ່ວມໃນການແຂງຂັນໃນຄັ້ງນີ້ຕ້ອງມີໃບຈົດທະບຽນລັດວິສາຫະກິດ, ໃບອະນຸຍາດ ດໍາເນີນທຸລະກິດ.
ຂ່າວ: ວຽງຈັນທາຍ
