ສະຫະພັນບານເຕະແຫ່ງຊາດລາວ (ສຕລ)ຈະເປິດລະດູການແຂ່ງຂັນບານເຕະ ເປບຊີ ລາວລີກ 1 ປະຈໍາປີ 2021 ຢ່າງເປັນທາງການໃນວັນທີ 27 ມີນາ 2021 ນີ້ ແລະ ຈະປິດລະດູການແຂ່ງຂັນລົງໃນທ້າຍເດືອນກໍລະກົດ 2021 ຊຶ່ງມືີ້ເປິດ ຈະມີການແຂ່ງຂັນ 2 ຄູ່ໃນເວລາດຽວກັນ ຄື: ເວລາ 15: 30 ສະໂມສອນ ກອງທັບ ເອັຟຊິ ພົບ ສະໂມສອນ ວຽງຈັນ ເອັຟຊີ ທີ່ສະໜາມກິລາກອງທັບ ແລະ ສະໂມສອນ ເອສະຣາ ເອັຟຊີ ພົບ ສະໂມສອນ ຊ້າງນ້ອຍເອັຟຊີ ຢູ່ສະໜາມກິລາມະຫາວິທະຍາໄລແຫ່ງຊາດລາວ ໂດຍສາມາດຕິດ ຕາມການຖ່າຍທອດສົດໄດ້ຜ່ານທາງ Mycujoo.
ການແຂ່ງຂັນບານເຕະ ເປບຊີ ລາວລີກ 1 ປະຈໍາປີ 2021 ມີທັງໝົດ 5 ສະໂມສອນ ເຂົ້າຮ່ວມຊຶ່ງປະກອບມີ: ສະໂມສອນ ເອັຟຊີ ຈັນທະບູລີ, ສະໂມສອນ ຊ້າງນ້ອຍ ເອັຟຊີ, ສະໂມສອນ ເອສະຣາ ເອັຟຊີ, ສະໂມສອນ ກອງທັບ ເອັຟຊີ ແລະ ສະໂມສອນ ວຽງຈັນ ເອັຟຊີ ຈາກແຂວງວຽງຈັນ.
ສຳລັບລາງວັນ: ອັນດັບ 1 ໄດ້ຮັບເງິນລາງວັນ 300.000.000 ກີບ ພ້ອມຂັນ 1 ໜ່ວຍ ແລະ ຫຼຽນຊະນະເລີດ 35 ຫຼຽນ, ອັນດັບ 2 ໄດ້ຮັບເງິນລາງວັນ 150.000.000 ກີບ, ອັນດັບ 3 ໄດ້ຮັບເງິນລາງວັນ 80.000.000 ກີບ ແລະ ລາງວັນ ອື່ນໆ ຕື່ມອີກ, ລວມເງິນລາງວັນການແຂ່ງຂັນ ທັງໜົດ 1 ຕື້ກວ່າກີບ.
ຂໍ້ມູນ+ຮູບ: ສຕລ
