ນັກຮຽນຊັ້ນປະຖົມ 46 ແຫ່ງຢູ່ເມືອງອຸທຸມພອນ ແຂວງສະຫວັນນະເຂດ ຈະໄດ້ຮັບຊຸດນັກຮຽນ, ອຸປະກອນການສຶກສາ ແລະ ອຸປະກອນຮັກສາສຸຂະອະນາໄມໃຫ້ແກ່ໂຮງຮຽນ ຈາກອົງການຊ່ວຍເຫຼືອເດັກສາກົນປະຈໍາລາວ ຊຶ່ງການຊ່ວຍເຫຼືອດັ່ງກ່າວນີ້ເພື່ອຊ່ວຍເຫຼືອຟື້ນຟູວຽກງານການສຶກສາ ທີ່ໄດ້ຮັບຜົນກະທົບທາງດ້ານເສດຖະກິດ-ສັງຄົມ ຈາກການແຜ່ລະບາດຂອງພະຍາດໂຄວິດ-19.
ພິທີເຊັນສັນຍາການຊ່ວຍເຫຼືອດັ່ງກ່າວໄດ້ຈັດຂຶ້ນເມື່ອບໍ່ດົນມານີ້ທີ່ສະໂມສອນສຶກສາສາມັກຄີ ເມືອງອຸທຸມພອນ ເຊັນໂດຍທ່ານ ອານຸລົມ ວິໄລພອນ ຮອງຫົວໜ້າຫ້ອງການກະຊວງສຶກສາທິການ ແລະ ກິລາ ແລະ ທ່ານ ນາງ Deborah Leaver ຫົວໜ້າອົງການຊ່ວຍເຫຼືອ ເດັກສາກົນປະຈໍາລາວ.
ຂ່າວ-ພາບ: ບຸນຊູ ພົມມະເທບ
